Safonov: Spertsiyaning Angliyaga o‘tishi to‘g‘ri emas

Futbol agenti Aleksey Safonov Eduard Spertsiyaning "Sautgempton" klubiga o'tishi mumkinligi haqida fikr bildirdi. Bu haqida Euro-football.ru xabar berdi.

Avvalroq Angliya klubi "Krasnodar"ga yarim himoyachi uchun 12 million yevro taklif qilgani haqida xabarlar tarqalgan edi. Safonovning so‘zlariga ko‘ra, "Sautgempton" yomon klub emas, lekin Angliya chempionati – juda qiyin musobaqa bo‘lib, unda kuchli jismoniy tayyorgarlik talab etiladi.

Eduard uchun boshqa chempionatlarda o‘ynash maqsadga muvofiqroq, Angliyaga ketishi to‘g‘ri emas. Agent shuningdek, Spertsiyaning "Sautgempton"ga o‘tishiga ishonmasligini ta’kidladi.

Joriy mavsumda "Krasnodar" kapitanligi qilayotgan futbolchi yetti o‘yinda maydonga tushib, ikki gol urdi va uchta golga assistentlik qildi. Uning "Krasnodar" bilan shartnomasi bir yil ichida yakunlanadi.

Shu sababli futbolchining kelajagi hali aniq emas va u yangi imkoniyatlarni o‘rganishda davom etmoqda.