Bolgariya joriy haftada Yevrokuboklar saralash o‘yinlari natijalariga ko‘ra UEFA reytingida Rossiyadan o‘zib ketdi. Bu haqida Euro-football.ru xabar berdi.
Bolgariya jamoalarining muvaffaqiyatlari tufayli ushbu mamlakatning reyting ballari 18,375 ga yetdi, Rossiyaning ballari esa 18,299 da qoldi. Avvalroq Ukraina va Ozarbayjon ham Rossiyadan oldinga chiqgan edi.
Hozirda Rossiya reytingda 30-o‘rinni egallab turibdi. Shuni ta’kidlash lozimki, Rossiya jamoalari xalqaro musobaqalardan chetlatilgan bo‘lsa-da, UEFA har yili ularning so‘nggi besh mavsumdagi eng past reyting ballarini hisobga olib kelmoqda.
Bu ball 4,333 ni tashkil etadi. 2025/2026 yilgi mavsum uchun ballar keyinchalik hisobga olinadi, hozircha Rossiyaning reyting jadvalida ushbu o‘rin bo‘sh qoldirilgan.
Ballar hisobga olingach, Rossiya reytingda bir necha pog‘onaga ko‘tarilishi mumkin.
