Manchester Siti bosh murabbiyi Xosep Gvardiola qanot himoyachisi Savioning kelajagi haqida fikr bildirdi. Bu haqida Euro-football.ru xabar berdi.
So‘nggi kunlarda matbuot futbolchini Tottenxem klubi bilan bog‘lamoqda. Gvardiola savolga javoban, Savio ketadimi, bilmasligini aytdi.
Agar Tottenxem yoki boshqa klub futbolchini sotib olmoqchi bo‘lsa, ular avvalo uning jamoasiga murojaat qilishi kerakligini ta’kidladi. Ular ham shunday yo‘l tutishlarini bildirdi.
Gvardiola Savioning jamoada uzoq yillar qolishini istashini aytdi, chunki u yuqori salohiyatga ega ajoyib o‘yinchi hisoblanadi. Ammo oxir-oqibat, har doimgidek, futbolchining o‘zi xohlagan qaror eng muhim ekanligini ta’kidladi.
Premier liga birinchi turida Manchester Siti 16 avgust kuni safarda Vulverxempton jamoasi bilan bahs olib boradi. Bu o‘yin katta qiziqish bilan kutilyapti.
