Liverpul qachon chempion bo‘ladi? 5 ta ssenariy va bitta katta bayram kutilayotgan sana
2020 yilda “Liverpul” 30 yillik tanaffusdan keyin APL chempionligiga erishgan, ammo pandemiya sababli ushbu tarixi g‘alabani muxlislarsiz nishonlagan edi. Bu safar esa Mersisayd haqiqiy bayramga tayyorlanmoqda.
Hozirgi paytda Arne Slot boshchiligidagi jamoa “Arsenal”dan 13 ochko oldinda, chempionat tugashiga esa 6 tur qolgan. Demak, asosiy savol: “Chempion bo‘ladimi?” emas, balki “Qaysi kuni rasman chempion bo‘ladi?” degan savolga aylandi.
Ehtimoliy ssenariylar: “Liverpul” qachon rasman chempion bo‘ladi?
1. 20 aprel (yakshanba)
✅ Agar 19 aprel kuni “Arsenal” “Ipsvich”ga yutqazsa,
✅ 20 aprel kuni “Liverpul” “Lester”ni mag‘lub etsa —
Rasmiy chempionlik ta’minlanadi.
- Ammo bu ssenariyning ehtimoli past.
2. 23 aprel (chorshanba)
✅ Agar “Arsenal” “Kristal Pelas”ga yutqazsa,
✅ “Liverpul” o‘sha kuni o‘yin o‘tkazmasa ham —
chempionlikni ta’minlaydi.
- Bu ssenariy “Arsenal”ning derbida mag‘lub bo‘lishiga bog‘liq.
3. 27 aprel (yakshanba)
✅ Agar “Liverpul” kelasi 2 o‘yinda g‘alaba qozonsa,
✅ “Tottenxem”ga qarshi bahsda yutuq —
titulni rasman ta’minlaydi.
- Eng ehtimoliy ssenariy. O‘z uyi, muxlislar ko‘z o‘ngida — chempionlik bayrami uchun ideal kun.
4. 11 may
✅ Agar “Arsenal” barcha o‘yinlarini yutib borsa
✅ va “Liverpul” ba’zi ochkolarni yo‘qotsa —
“Liverpul – Arsenal” to‘qnashuvida chempionlik hal bo‘lishi mumkin.
- Ammo bu ssenariyning amalga oshishi juda murakkab.
5. 18 yoki 25 may
✅ Agar yuqoridagi variantlar amalga oshmasa,
✅ Chempionlik “Brayton” yoki “Kristal Pelas”ga qarshi o‘yinda hal bo‘lishi mumkin.
- Ehtimoli past.
✅ “Liverpul” 27 aprel kuni o‘z uyida rasman chempion bo‘lishi mumkin!
Ayni damda eng real ko‘rinayotgan ssenariy — 27 aprel kuni “Tottenxem” ustidan qozoniladigan g‘alaba orqali muxlislar ko‘z o‘ngida chempionlikni nishonlash.
Bundan tashqari, agar 23 aprel kuni “Arsenal” mag‘lub bo‘lsa, “Liverpul” hatto o‘ynamasdan chempion bo‘lishi mumkin.
