"Manchester Siti" klubi "Galatasaroy"ning 25 yoshli iste’dodli yarim himoyachisi Gabriel Saraga jiddiy qiziqish bildirmoqda.
Britaniya klubi ushbu braziliyalik futbolchini o‘z safiga qo‘shib olish uchun 40 million yevro atrofida mablag‘ ajratishga tayyor ekani aytilmoqda. Bundan tashqari, Sarani boshqa bir nechta APL klublari – "Aston Villa", "Nottingem Forest" hamda "Everton" ham kuzatib kelmoqda.
Joriy mavsumda Gabriel Sara barcha musobaqalar doirasida 41 ta uchrashuvda maydonga tushib, raqib darvozasiga 2 ta gol urgan va 8 ta golga assistentlik qilgan. Hozirda uning "Galatasaroy" bilan shartnomasi 2029 yilning yozigacha amal qiladi.
Ma’lumot o‘rnida, mashhur Transfermarkt portali Saraning transfer narxini 22 million yevroga baholagan.
Sizningcha, Gabriel Sara "Manchester Siti"ning kuchli tarkibida o‘z o‘rnini topib keta oladimi? Fikrlaringizni biz bilan bo‘lishing!
