Madridning mashhur “Real” klubi so‘nggi mavsumlarda hujum chizig‘ida muhim rol o‘ynayotgan Rodrigoni yozgi transfer oynasida sotib yuborish ehtimoli bor. Agar bunday qaror amalga oshsa, klub uning o‘rnini yo‘qotmaslik uchun allaqachon yangi nomzodni belgilab qo‘ygan.
Marca nashri tarqatgan ma’lumotlarga ko‘ra, “qirollik klubi” Rodrigo ketgan taqdirda Bilbaoning “Atletik” jamoasi tarkibida harakat qilayotgan iste’dodli vinger Niko Uilyamsni jamoaga jalb qilishni maqsad qilgan. Bu transfer amalga oshishi uchun “Real” “Atletik” klubiga 58 million yevro to‘lashga tayyor.
Niko Uilyams – yosh va porlayotgan yulduz
21 yoshli Uilyams joriy mavsumda o‘zining yuqori formasi bilan futbol jamoatchiligining diqqat markazida bo‘ldi. U mavsum davomida 44 uchrashuvda maydonga tushib, 11 ta gol va 7 ta assist bilan o‘zining samarador o‘yinini namoyon etdi.
“Barsa” ham kuzatuvda
Aytish joiz, Niko Uilyamsning iste’dodiga nafaqat “Real”, balki “Barselona” ham ancha vaqtdan buyon qiziqish bildirib kelmoqda. Shuning uchun ham Madrid klubi unga o‘z vaqtida yetishish uchun jiddiy harakatga o‘tmoqda.
Zamin.uz tahririyatidan:
Agar ushbu transfer amalga oshsa, “Real” yana bir bor o‘z kelajagini yosh va iqtidorli futbolchilar orqali qurish strategiyasida qat’iy ekanini ko‘rsatadi. Uilyams “Santyago Bernabeu”da porlaydimi? Fikringizni bildiring.
