"Man Siti" Donnarummani qayd etdi: Gvardiola yangi posbon qidirmoqda
“Manchester Siti” jamoasi jazoravandida yangi tajribali darvozabon ko‘rish istagida. Angliya chempionining ustozi Xosep Gvardiola Parijning “PSJ” klubi posboni Janluiji Donnarummaning o‘yinlarini diqqat bilan kuzatmoqda.
Ma’lumotlarga qaraganda, manchesterliklar Donnarummaning “PSJ” bilan tuzilgan amaldagi shartnomasini yangilamasligini kutmoqda. Agar italiyalik posbon fransiyaliklar bilan kelishuvni uzaytirmasa, “shaharliklar” uni o‘z saflariga jalb qilishni maqsad qilgan. Bu transferda shaxsan Gvardiolaning o‘zi qiziqish bildirmoqda.
Janluiji Donnarumma 2023/24 yilgi mavsumda “PSJ” safida barcha musobaqalarda jami 40 ta uchrashuvda maydonga tushdi. U ushbu bahslarda 39 ta to‘p o‘tkazib yuborgan bo‘lsa, 12 uchrashuvni "quruq" yakunlashga erishgan.
Hozirda Donnarummaning Parij klubi bilan shartnomasi 2026 yilning yoziga qadar amal qiladi. Transfermarkt portali futbolchining bozor qiymatini 35 million yevro deb baholagan.
“Man Siti” jamoasida hozirgi asosiy darvozabon Ederson kelajakda jamoani tark etishi mumkinligi haqida mish-mishlar tarqalgan edi. Aynan shu holatda Donnarummaning transferi jamoa uchun muhim strategik qadam bo‘lishi mumkin.
Zamin.uz tahririyati "shaharliklar"ning bu ehtimoliy transferi Yevropa futbol bozoridagi qiziqarli o‘zgarishlardan biri bo‘lishi mumkinligini qayd etmoqda.
