Dunyoning eng kuchli futbol ligalari e’lon qilindi
Jahon futbolida ligalar o‘rtasida raqobat yildan yilga kuchayib bormoqda. "Opta Sports" tomonidan e’lon qilingan so‘nggi tahlilga ko‘ra, Angliya Premer-ligasi (APL) yana bir bor dunyodagi eng kuchli va raqobatbardosh chempionat sifatida tan olindi.
Ushbu reyting jamoalarning umumiy kuch koeffitsiyentiga asoslangan holda shakllantirilgan bo‘lib, Premer-liga klublarining o‘rtacha darajasi 100 balldan 92,6 ni tashkil etdi. Bu esa Angliya chempionatini nafaqat Yevropada, balki dunyo miqyosida ham eng raqobatli ligaga aylantirmoqda.
Eng kuchli 10 liga kimlar?
Opta Sports tahliliga ko‘ra, kuchli o‘ntalikdagi chempionatlar quyidagicha joylashdi:
1. Angliya Premer-ligasi — 92,6
2-3. Italiya A Seriyasi — 87,0
2-3. Ispaniya La Ligasi — 87,0
4. Germaniya Bundesligasi — 86,3
5. Fransiya Liga 1 — 85,5
6. Angliya Chempionshipi — 80,9
7. Belgiya Pro-ligasi — 80,5
8. Portugaliya Primeyra-ligasi — 79,8
9. Braziliya Seriya A — 79,4
10. Niderlandiya Eredivizisi — 78,8
APL – raqobat, mahorat va moliyaviy ustunlik
Angliya Premer-ligasi nafaqat eng kuchli futbolchilar va murabbiylarni jalb qilish, balki moliyaviy barqarorlik va zamonaviy infratuzilmasi bilan ham boshqalardan ajralib turadi. Bu yerda har bir jamoa o‘rtasidagi farq juda kichik, shuning uchun har bir turda kutilmagan natijalar qayd etilishi mumkin.
Yangi mavsumda yanada ko‘proq intriga kutilmoqda
Premer-liganing yangi mavsumi yanada qizg‘in kurashlarga va sensatsiyalarga boy bo‘lishi kutilmoqda. Jahonning eng kuchli va e’tiborli chempionatida ishtirok etayotgan klublarning sifati va imkoniyatlari yanada yuqori baholanmoqda.
Zamin.uz tahririyati fikricha, futbol olamidagi bunday obyektiv tahlillar chempionatlar va klublar faoliyatiga katta rag‘bat baxsh etadi. Eng muhim savol: yangi mavsumda qaysi jamoa peshqadamlikni egallaydi?
