«Spartak» jamoasi maydonning o‘rta chizig‘iga sifatli futbolchini olishni rejalashtirmoqda. Bu haqida Euro-football.ru xabar berdi.
So‘nggi kunlarda OAVda Moskva klubi bilan Marsel jamoasidan Azzedin Unay nomi bog‘lanmoqda. Metaratings ma’lumotlariga ko‘ra, «Spartak» 25 yoshli Unayga yillik 1,8 million yevro maosh va qo‘shimcha bonuslar taklif qilgan. Bu dastlabki taklif bo‘lib, muzokaralar davomida summa o‘zgarishi mumkin. Oldinroq Azzedin Unay «Spartak»ga o‘tishni istamasligi va bu haqda Marselga xabar bergani haqida ma’lumotlar tarqaldi.
Shu bilan birga, Fransiya birinchi ligasi klubi moliyaviy jihatdan foydali bo‘lgani uchun marokashlik futbolchini Moskva klubiga sotishni afzal ko‘rmoqda. Muzokaralar davom etmoqda va tomonlar kelishuvga erishishga harakat qilmoqda.
Bu transfer «Spartak» uchun maydonning markaziy chizig‘ini kuchaytirish maqsadida muhim hisoblanadi.
