Bellinghem: Alonso o‘yinchilarga alohida yondashadi
Madrid "Real" futbol klubining yarim himoyachisi Jud Bellingem jamoaning yangi murabbiyi Xabi Alonso haqidagi fikrlari bilan o‘rtoqlashdi. Bu haqida Euro-football.ru xabar berdi.
Unga ko‘ra, Xabi juda yoqimli inson bo‘lib, futbolchilar bilan yaxshi muloqot qiladi. Bellingemning aytishicha, bunday murabbiyni ko‘rganingda, uning energiyasi seni o‘ziga tortadi.
Alonso juda faol, doim harakatda bo‘ladi va jarayonga chuqur jalb qilingan, bu esa o‘yinni yaxshiroq ko‘rish va his qilish imkonini beradi. Shuningdek, Bellingem murabbiyning taktikasi haqida ham fikr bildirdi. Unga ko‘ra, yangi uslubda jamoa ko‘proq to‘pni qisqa paslar bilan harakatlantirishni maqsad qilgan, bu orqali o‘yinni nazorat qilish rejalashtirilgan. Hozirgi vaqtda Klub jahon chempionatida "Real" guruh bosqichidan o‘tib, 1/8 finalda "Yuventus" bilan to‘qnash keladi.
Bu bahs jamoa uchun muhim sinov bo‘lib, yangi murabbiy ostida o‘yin uslubi yanada takomillashishi kutilmoqda. Shu sababli, xuddi Bellingem ta’kidlaganidek, jamoa o‘zaro hamjihatlik va faollik bilan o‘ynashga intilmoqda.
