Giovanni Stroppa "Venesiy" bosh murabbiyi bo‘ldi
Italiyada “Kremoneze” jamoasini Serie A ga olib chiqqan Giovanni Stroppa ko‘pchilikni hayratga solib klubdan ajraldi. Bu haqida Euro-football.ru xabar berdi.
Mutaxassis o‘z faoliyatini Italiya futbolining kuch jihatidan ikkinchi ligasida davom ettirishga qaror qildi. 57 yoshli murabbiyning yangi manzili “Venetsiya” jamoasi bo‘ldi. “Venetsiya” klubi rasmiy vakillari Stroppani jamoaning bosh murabbiyi lavozimiga tayinlangani haqida ma’lum qildi.
U bilan bir yilga mo‘ljallangan shartnoma imzolangan. Agar jamoa Serie A ga qayta chiqsa, shartnoma avtomatik ravishda uzaytiriladi. Giovanni Stroppa o‘z murabbiylik faoliyatini 2012 yilda “Peskara” klubida boshlagan.
Eslatib o‘tamiz, “Venetsiya” joriy mavsumda Serie A turnir jadvalida 19-o‘rinni egallab, yuqori ligadan tushib ketgan edi. Endilikda ular Stroppa rahbarligida yana yuqori bosqichlarga chiqishga intiladi.
Ushbu o‘zgarish jamoa uchun yangi imkoniyatlarni ochishi kutilmoqda.
