Inter Chalhanogluni bepul qo‘yib yubormaydi

Milanning "Inter" futbol klubining yarim himoyachisi Hakan Chalhanoglu yaqin orada sotilishi mumkin. Bu haqida Euro-football.ru xabar berdi.

Turli manbalarning xabar berishicha, 31 yoshli futbolchi faoliyatini "Galatasaray" klubida davom ettirishni istamoqda. Klubaro jahon chempionati 1/8 final o‘yini doirasida "Inter" "Fluminense" jamoasiga 0:2 hisobida mag‘lub bo‘lganidan so‘ng noxush vaziyat yuzaga keldi.

Lautaro Martines nomi tilga olinmagan jamoa a’zolarini yetarlicha harakat qilmaslikda aybladi. Shuningdek, klub prezidenti Juzeppe Marotta kapitan Chalhanoglu haqida gapirayotganini ochiqchasiga bildirdi va yarim himoyachini sotishga tayyor ekanini ma’lum qildi. Shu bilan birga, taniqli futbol jurnalisti Fabrisio Romano ma’lumotiga ko‘ra, "Inter" turk futbolchisini osonlik bilan qo‘yib yubormaydi.

Chalhanoglu Milan klubining qimmatli aktivlaridan biri bo‘lib qolmoqda, shuning uchun xaridorlar yetarli miqdorda to‘lov qilishga majbur bo‘ladi. Asosiy nomzod sifatida "Galatasaray" ko‘rsatilmoqda, ammo boshqa klublar ham xarid qilish o‘yiniga qo‘shilishi mumkin.

Shu sababli, kelajakda ushbu futbolchining transferi yuzasidan yana ko‘plab yangiliklar bo‘lishi ehtimoldan holi emas.