Anton Zabolotniy “Spartak”ga o‘tdi va tanqidlarga javob berdi
Hujumchi Anton Zabolotniy “Spartak” jamoasiga o'tdi. Bu haqida Euro-football.ru xabar berdi.
34 yoshli futbolchi bilan shartnoma tuhilgani rasmiy tarzda e'lon qilindi. Zabolotniy o‘z faoliyati davomida unga nisbatan bildirilib kelgan tanqidlarga javoban ancha qat’iy fikr bildirdi. U shunday dedi: “Menga juda ko‘p gaplar aytilgan.
Menga RPLda o‘ynamayman deyishdi. Milliy jamoada hech qachon o‘ynamayman dedilar.
Faqat bo‘sh darvozaga va bolalarga gol uraman deyishdi. Menga yog‘ochdek dedilar.
Muhim o‘yinlarda hisobni hal qilmayman deyishdi. Hech qachon mamlakatning eng nufuzli klubiga kira olmayman deyilgan.
Butun faoliyatim davomida shunday gaplar aytilib keldi, lekin men ish qilaman”. Bundan tashqari, video lavhada Zabolotniy ilgari o‘ynagan CSKA va “Zenit” jamoalarining emblemalarini yelkalaridan silkitib tashlayotgani ham ko‘rinadi. O‘tgan mavsum Anton Zabolotniy “Ximki” jamoasida to‘p surgan. Moliyaviy muammolar sabab klub Rossiya premyer-ligasining keyingi mavsumiga litsenziya ololmadi va faoliyatini to‘xtatdi. Keyingi mavsumning birinchi turida “Spartak” o‘z maydonida Maxachqal’ning “Dinamo” jamoasi bilan uchrashadi.
