Londonning “Arsenal” klubi rasmiy sayti orqali tarkibga yangi futbolchi qo‘shilganini e’lon qildi. Bu haqida Euro-football.ru xabar berdi.
Klub bilan shartnoma imzolagan darvozabon Kepa Arrisabalaga hisoblanadi. 30 yoshli futbolchi Londondagi “Chelsi” klubidan “Arsenal”ga o‘tdi.
“Arsenal” klubi kepa bilan imzolangan shartnoma muddati haqida ma’lumot bermadi, biroq matbuotda uning uch mavsumga mo‘ljallanganligi aytilmoqda. Kepa bundan keyin “Arsenal” jamoasida 13-raqam ostida maydonga tushadi. Kepa o‘zining yangi klubi haqidagi fikrlarini bildirarkan, “Men bu yerda bo‘lishdan juda xursandman.
Kelajakda nima bo‘lishini sabrsizlik bilan kutyapman”, degan so‘zlarni aytdi. 2024/2025 yilgi mavsumda Kepa ijarada bo‘lib, “Bornmut” jamoasida o‘ynagan. U ushbu jamoa sharafini himoya qilgan 35 ta o‘yinda 43 ta gol o‘tkazib yuborgan.
Endilikda u “Arsenal” jamoasida o‘z mahoratini namoyish etishni maqsad qilgan.
