Madridning "Real" jamoasi bosh murabbiyi Xabi Alonso jamoaning yarim himoyachisi Rodrigoning kelajagi haqida gaplashganini ma’lum qildi. Bu haqida Euro-football.ru xabar berdi.
U Rodrigoning jamoa uchun muhim o‘yinchi ekanligiga ishonch bildirgan. Futbolchi Klub jahon chempionati doirasida AQShda bo‘lib o‘tgan o‘yinlarda ikki marta maydonga tushgan.
Alonso Rodrigoning eng yaxshi formasini qaytarishga qodir ekanligiga ishonadi. U bilan suhbatda futbolchi ijobiy kayfiyatda ekanini va jamoaga zarur paytda yordam berishga tayyorligini ta’kidlagan.
Oldinroq ommaviy axborot vositalarida 24 yoshli futbolchini sotish mumkinligi haqida xabarlar paydo bo‘lgan. Uning bozor qiymati taxminan 90 million yevro atrofida baholanmoqda.
Hozirda Rodrigoning "Real" bilan amal qilayotgan shartnomasi 2028 yil 30 iyungacha mo‘ljallangan. Rodrigo o‘zining zaxira o‘yinchi sifatidagi roli 2026 yilgi jahon chempionati oldidan Braziliya terma jamoasidagi kelajak istiqbollariga salbiy ta’sir ko‘rsatishidan xavotirda.
Bu uning terma jamoadagi o‘rnini saqlab qolishiga ta’sir qilishi mumkin, chunki u muntazam maydonga tushishni istaydi. Shuning uchun u jamoada o‘yin amaliyotini oshirish va o‘zining raqobatbardoshligini tiklashga intilmoqda.
