Joriy yozda hujumchi Manfred Ugalde “Spartak” klubini tark etishi mumkin. Bu haqida Euro-football.ru xabar berdi.
Rossiya chempionatining o'tgan mavsumida eng yaxshi to'purarga aylangan kostarikalik futbolchiga “Feyenoord” klubi jiddiy qiziqish bildirmoqda. Bu holat “Spartak”ni yangi hujumchini sotib olish bo‘yicha faol ish olib borishga majbur qilmoqda.
“Chempionat” nashrining ma’lumotlariga ko‘ra, asosiy nomzodlardan biri sifatida 24 yoshli argentinalik Xose Manuel Lopes ko‘rsatilmoqda. U hozirda Braziliyaning “Palmeiras” klubida o‘ynaydi.
Lopes “Palmeiras” safida 147 rasmiy o‘yin o'tkazib, 43 ta gol urgan va 12 ta golli uzatma amalga oshirgan. Mashhur Transfermarkt portali futbolchining qiymatini 10 million yevro deb baholaydi.
Ushbu ma’lumotlar klub uchun yangi hujumchi tanlashda muhim mezon bo‘lmoqda. “Spartak” jamoasi kelgusida kuchli tarkibni shakllantirish uchun faol harakat qilmoqda.
