Manchester Siti jamoasining tarkibi yoz mavsumining oxirigacha o‘zgarishi kutilmoqda. Bu haqida Euro-football.ru xabar berdi.
Jamoani tark etishi mumkin bo‘lgan o‘yinchilar qatorida yarim himoyachi Niko Gonsales ham bor. Transfer News Live manbasining Bildga tayanib bergan xabariga ko‘ra, 23 yoshli ispaniyalik futbolchining agenti allaqachon yangi jamoa izlamoqda.
Ehtimol, Gonsales Saudiya Arabistonida faoliyatini davom ettirishi mumkin. Niko Gonsales fevral oyining boshida Manchester Siti jamoasiga qo‘shilgan edi.
O‘sha paytda “shaharliklar” futbolchini Portugaliya klubidan o‘tkazib olish uchun 60 million yevro to‘lashgan. Ammo yarim yil o‘tib, futbolchi yana klubini almashtirishi ehtimoli bor.
Shuningdek, Klub jahon chempionatida Niko Gonsales faqat bitta o‘yinda maydonga tushgan. Bu esa uning jamoadagi o‘rnining cheklanganligini ko‘rsatadi.
Shu sababli futbolchining transferi va yangi klub qidiruvi haqida xabarlar paydo bo‘lmoqda.
