Milanning «Inter» futbol klubi yarim himoyachi Hakan Chalxanoglu transferi masalasini uzoq cho‘zishni istamayapti. Bu haqida Euro-football.ru xabar berdi.
Turkiyalik futbolchi 31 yoshda bo‘lib, turli manbalarga ko‘ra, u «Galatasaray» klubiga o‘tishi mumkin. «Inter» prezidenti Juzeppe Marotta Chalxanoglu Milan jamoasi safida o‘ynashni davom ettirishni istamayotganini aytgan edi.
La Gazzetta dello Sport nashrining xabar berishicha, «Inter» Chalxanoglu uchun aniq talab qo‘ygan va bu masala mavsumoldi tayyorgarlik boshlanishidan oldin hal qilinishi lozim. Agar xaridorlar klubning talablariga javob beradigan taklif bermasa, futbolchi jamoada qolishga majbur bo‘ladi.
«Inter» rahbariyati Chalxanogluning transferi bilan bog‘liq muammalar butun jamoaga salbiy ta’sir ko‘rsatishini xohlamaydi. Shu sababli klub bu masalani tezda hal qilib, jamoani barqarorlashtirishga intilmoqda.
