Yaponiya terma jamoasi himoyachisi Kota Takai Angliyaning "Tottenxem" klubiga qo‘shildi. Bu haqida Euro-football.ru xabar berdi.
Bu haqda "shporlar"ning rasmiy sayti xabar berdi. 20 yoshli futbolchi bilan tuzilgan shartnoma 5 yilga mo‘ljallangan.
Takai avval o‘z vatani Yaponiya klubi "Kavasaki Frontale"da o‘ynagan bo‘lib, aynan shu klub tarbiyalanuvchisi hisoblanadi. U asosiy tarkibda 17 yoshida debyut qilgan.
So‘nggi mavsumda Takai markaziy himoyachi sifatida barcha musobaqalarda jami 31 o‘yinda maydonga tushdi, 2 ta gol urdi va 3 ta sariq kartochka oldi. Uning jamoasi Osiyo chempionlar ligasi finaligacha yetib bordi.
Takai terma jamoa safida 4 ta o‘yin o‘tkazgan. Bir yil avval u Osiyo yoshlar chempionatida g‘olib bo‘lgan.
Transfermarkt portali futbolchining bozor qiymatini 2,5 million yevro deb baholaydi.
