Yozgi transfer oynasida «Spartak» jamoasini yarim himoyachi Esekiel Barko tark etishi mumkin. Bu haqida Euro-football.ru xabar berdi.
26 yoshli argentinalik futbolchiga «Flamengo» klubi qiziqish bildirmoqda. So‘nggi haftalarda bu haqda ko‘plab xabarlar tarqaldi.
Ijtimoiy tarmoqlarda jurnalist Raisa Simplisio ma’lumotiga ko‘ra, yaqinda «Flamengo» Barko uchun yana taklif yuborgan. Braziliya klubi futbolchi uchun 14 million yevro taklif qilgan.
Biroq bu summa yetarli emas, chunki «Spartak» 20 million yevro so‘ramoqda. Hozircha «qizil-qora» jamoa bu borada hech qanday qaror qabul qilmagan.
Esekiel Barko 26 yoshda. U «Spartak» safida 36 ta o‘yinda maydonga tushib, 14 ta gol urgan va 9 ta golli uzatma bergan.
Futbolchining jamoani tark etishiga oilaviy sabablar, xususan, rafiqasining talablarining ta’siri bo‘lishi mumkinligi aytilmoqda. Klub va futbolchi hozircha kelishuvga erisha olgani yo‘q.
Transfer jarayoni yaqin kunlarda aniqroq bo‘lishi kutilmoqda.
