Mateus Kunya "Manchester Yunayted" jamoasida 10-raqam ostida maydonga tushadi. Bu haqida Euro-football.ru xabar berdi.
Oldin ushbu raqam ostida "qizil iblislar" safida Markus Reshford o‘ynagan, biroq u yoz oxirigacha jamoani tark etishi kutilmoqda, chunki Ruben Amorim rejasida qolmagan. Kunya "Old Trafford" stadionida 10-raqamni olgani haqida fikr bildirdi.
U shunday dedi: "Bu men doim orzu qilgan narsadir. Bu raqam ostida o‘ynagan ko‘plab futbolchilarni bilaman.
Bu raqamni ko‘rganimda darhol Ueyn Runi eslimga tushadi. Uning o‘yinlarini tomosha qilib ulg‘aydim.
Oldin bir o‘yindan so‘ng Reshford bilan futbolka almashganman, u mening uyimda saqlanadi. Shuningdek, bu raqamni Van Nistelroy va Ibrohimovich ham kiygan.
10-raqam ostida o‘ynash oddiy orzu emas. Ushbu raqam tarixini hisobga olsak, bu menga berilgan katta sharafdir." Kunya klub matbuot xizmatiga shunday ta’kidladi.
