Germaniyaning Leverkuzen shahridagi "Bayer" klubi Ispaniyaning "Albasete" jamoasida to‘p surgan hujumchi Kristian Kofanen bilan shartnoma imzoladi. Bu haqida Euro-football.ru xabar berdi.
18 yoshli kamerunlik futbolchi bilan tuzilgan bitim to‘rt yil davom etadi. Kofane so‘nggi bir yil davomida "Albasete" safida maydonga tushdi.
U bundan oldin Kamerunning "AS Nilon" yoshlar jamoasida o‘ynagan. Transfermarkt sayti ma’lumotlariga ko‘ra, "Bayer" yangi futbolchi uchun 5 million yevro to‘ladi.
O‘tgan mavsumda Kofane "Albasete" tarkibida 20 ta o‘yinda ishtirok etdi. U shu o‘yinlarda sakkizta gol urdi va bitta golli pas berdi.
Bundesliga mavsumining yakunida "Bayer" jamoasi chempionlik unvonini himoya qila olmadi va bu sovrin "Bavariya" klubiga o‘tdi.
