Mashhur rossiyalik murabbiy Yuri Syomin klub jahon chempionati va Chempionlar ligasini taqqoslash haqida fikr bildirdi. Bu haqida Euro-football.ru xabar berdi.
Uning so‘zlariga ko‘ra, klub jahon chempionati Chempionlar ligasining o‘rnini bosishi ehtimoldan yiroq va hech kim bunga intilmayapti. Shunga qaramay, bu tadbir katta ahamiyatga ega bo‘lib, yana bir bor futbolning dunyodagi eng mashhur sport turi ekanligini ko‘rsatdi.
Yodingizga solamiz, joriy yozda klub jahon chempionati yangilangan formatda, dunyoning eng kuchli 32 jamoasi ishtirokida o‘tkazildi. Musobaqa g‘olibi Londonning «Chelsi» jamoasi bo‘lib, ular finalda kutilmagan tarzda Fransiyaning «PSJ» jamoasini 3:0 hisobida mag‘lub etdi.
Qayd etish lozimki, «PSJ» so‘nggi Chempionlar ligasi musobaqasining g‘olibi hisoblanadi. Ushbu voqealar futbolning jahon miqyosidagi ahamiyatini yana bir bor tasdiqladi.
