Norvegiyaning Budyo-Glimt klubida to‘p surayotgan darvozabon Nikita Xaykin Rossiya terma jamoasiga chaqirilishi mumkinligi haqida fikr bildirdi. Bu haqida Euro-football.ru xabar berdi.
U jamoaning darvozabonlar murabbiyi Vitaliy Kafanov bilan doimiy aloqada ekanligini ta’kidladi. Xaykinning so‘zlariga ko‘ra, ular bir-biri bilan muntazam muloqotda bo‘lib, hozirgi vaziyatni va uning uchun eng maqbul qarorni birdek tushunishadi.
Hozirgi sharoitda uning terma jamoaga qo‘shilishi jamoaga yordam bermasligini aytdi. Joriy yilda 30 yoshli futbolchi barcha musobaqalarda maydonga 35 marotaba tushib, 42 ta gol o‘tkazib yuborgan.
Shuningdek, uning hisobida 12 ta o‘yin gol o‘tkazmasdan yakunlangan. Xaykinning bozor qiymati taxminan ikki million yevroga baholanmoqda.
Avvalroq u Norvegiya fuqaroligini olish imkoniyatiga ega ekanligi ma’lum bo‘lgan. Rossiyada sifatli darvozabonlar ko‘pligi sababli, Xaykin terma jamoa tanlovida Norvegiya jamoasini tanlashi ehtimoli bor.
