Angliya klubi Brentford Brian Mbeumoning o‘rnini to‘ldirish uchun yangi futbolchi izlamoqda. Bu haqida Euro-football.ru xabar berdi.
Brian Mbeumo yaqin kunlarda Manchester Yunayted klubiga o‘tishi kutilmoqda. Bu haqda mashhur jurnalist Fabrizio Romano o‘zining ijtimoiy tarmoqlardagi sahifalarida ma’lum qilgan.
Manbaning xabar berishicha, agar Mbeumo jamoani tark etsa, Brentford Omari Xatchinson bilan muzokaralar olib borishni boshlashi mumkin. Hozirda 21 yoshli hujumchi yarim himoyachi Ipsvich klubida o‘ynamoqda.
Ipsvich yaqinda Angliya Premer Ligasi mavsumini yakunlaganidan so‘ng chempionatdan tushib ketdi. O‘tgan mavsumda Omari Xatchinson barcha musobaqalarda jami 32 ta o‘yinda maydonga tushdi, 3 ta gol urdi va 2 ta golli uzatma amalga oshirdi.
Transfermarkt sayti uning bozor qiymatini 22 million yevroga baholagan. Brentford jamoasi yangi futbolchini o‘z tarkibiga qo‘shib, hujum chizig‘ini kuchaytirishni maqsad qilgan.
