Arsenal 23 yil ichida rekord transfer qiladi
Londonning "Arsenal" futbol klubi so‘nggi 23 yil ichida klub transfer rekordini yangilashi mumkin. Bu haqida Euro-football.ru xabar berdi.
Jamoaning asosiy tarkibini shu yozgi transfer oynasida bir vaqtning o‘zida olti nafar yangi futbolchi to‘ldirishi kutilmoqda. Agar reja bo‘yicha hammasi amalga oshsa, "Arsenal" mavsumoldi tayyorgarlik turnesi boshlanishidan oldin asosiy jamoaga olti yangi o‘yinchini qo‘shadi.
Bu klub tarixida shunday ko‘p futbolchini bir vaqtning o‘zida sotib olish holati oxirgi 23 yil davomida kuzatilmagan. Jurnalist Sam Dinning ijtimoiy tarmoqdagi xabariga ko‘ra, "Arsenal" joriy transfer oynasida darvozabon Kepa Arrizabalaga hamda yarim himoyachilar Martin Subimendi va Kristian Nergorani allaqachon sotib olgan.
Yaqin kunlarda "kanonirlar" safini "Chelsi"dan Noni Madueke, "Valensiya"dan Kristian Moskera hamda Lissabonning "Sporting" klubidan Viktor Dyokeresh to‘ldirishi mumkin. Ushbu o‘zgarishlar jamoaning mavsumga tayyorgarligini sezilarli darajada mustahkamlashi kutilmoqda.
Shuningdek, bu transferlar klublararo raqobatda "Arsenal"ning mavqeini oshirishiga yordam beradi.
