Payshanba kuni Manchester Siti jamoasi yangi transfer haqida e’lon qildi. Bu haqida Euro-football.ru xabar berdi.
Jamoaga yosh yarim himoyachi Sverre Nyupan qo‘shildi. Oldinroq ushbu futbolchi Rusenborg klubida o‘ynagan.
Bitim yopilgach, 18 yoshli Nyupan fikrlarini bildirdi. Men Manchester Sitiga qo‘shilganimdan nihoyatda xursandman va iftixor bilan aytishim mumkinki, dunyo darajasidagi iste’dodli futbolchilar jamoasiga kirish har bir futbolchining orzusi hisoblanadi.
Men hali juda yoshman va ko‘p narsalarni o‘rganishim kerak. Pep Gvardiola kabi dunyoning eng yaxshi murabbiyi qo‘l ostida mashg‘ulot o‘tish imkoniyati menga yanada yaxshilanishimga yordam beradi.
Norvegiya va Manchester Siti o‘rtasida Erling Holand va Oskar Bobb tufayli alohida bog‘lanish mavjud. Men bu klubda yana bir norvegiyalik futbolchi bo‘lganimdan juda faxrlanaman, – dedi Nyupan.
Eslatib o‘tamiz, Sverre Nyupan Manchester Siti bilan keyingi besh mavsumni qamrab olgan shartnoma imzoladi.
