Okmk - so'nggi yangiliklar

Superliganing 10-turidan so‘ng jamoalarning chempionlik, xalqaro musobaqalar yo‘llanmasi va quyi ligaga tushib ketish ehtimoli bo‘yicha Footy Rankings portali navbatdagi tahliliy prognozini e’lon qildi. Bunda jamoalarning so‘nggi natijalari va turli holatlardagi ehtimoliy ssenariylar inobatga olingan. Chempionlik uchun asosiy kurashchilar Elit Osiyo Chempionlar Ligasi yo‘llanmasi uchun bir necha jamoa jiddiy raqobat olib bormoqda. Hozirda “Nasaf” chempionlik imkoniyati bo‘yicha peshqadamlik qilmoqda va 60% ko‘rsatkich bilan ilg‘or o‘rinda bormoqda. Undan keyin “OKMK” jamoasi 56% ko‘rsatkich bilan yuribdi. “Navbahor” va “Paxtakor” esa so‘nggi g‘alabalar sabab imkoniyatlarini oshirishga muvaffaq bo‘lishdi. Chempionlik ehtimoli: - “Nasaf” — 60% (+7%) - “OKMK” — 56% (−6%) - “Neftchi” — 19% (−2%) - “Navbahor” — 17% (+3%) - “Paxtakor” — 13% (+2%) Pro Ligaga tushib ketish xavfi yuqori bo‘lganlar Jadvalning pastki qismidagi jamoalar uchun har bir ochko muhim ahamiyatga ega. “Sho‘rtan” hali ham xavfli hududda, garchi o‘tgan haftaga nisbatan ko‘rsatkichi sezilarli darajada yaxshilangan bo‘lsa-da. “Mash’al” esa ilk marta to‘g‘ridan to‘g‘ri tushib ketish ehtimoli yuqori bo‘lganlar safiga qo‘shildi. Pro Liga xavfi: - “Sho‘rtan” — 53% (−13%) - “Buxoro” — 26% (+6%) - “Mash’al” — 9% (yangi) Pley-offda ishtirok etish ehtimoli Quyi ligada qolish uchun pley-off o‘ynash ehtimoli bo‘yicha “Mash’al” va “Buxoro” yetakchilik qilmoqda. Shuningdek, “Qo‘qon-1912”, “Xorazm”, “Andijon”, “Qizilqum” va “So‘g‘diyona” jamoalari ham xavf hududida qolmoqda. Pley-off ehtimoli: - “Mash’al” — 67% (+5%) - “Buxoro” — 63% (−8%) - “Qo‘qon-1912” — 50% (+1%) - “Xorazm” — 44% (−20%) - “Andijon” — 42% (+11%) - “Qizilqum” — 36% (+7%) - “So‘g‘diyona” — 32% (+8%) Zamin.uz tahririyatidan: Mavsum qizg‘in pallaga kirmoqda va har bir tur jamoalarning keyingi taqdirini belgilab beradi. Sizcha, qaysi klublar elitaga chiqadi, qaysilari tushib ketadi?

Superliga 10-turidan o‘rin olgan OKMK - "Neftchi" (2:2) bahsidan so‘ng mehmonlar bosh murabbiyi Vitaliy Levchenko matbuot anjumanida ishtirok etdi. "Yaxshi o‘yin bo‘ldi. Ikki jamoa ham bir-birini puxta o‘rganib chiqqan ekan. Birinchi bo‘limda raqib hujumchisiga ko‘p ochiq zonalarni taqdim etdik va shu sababli qiynaldik. Tanaffusda esa o‘zgarishga qo‘l urdik. Durang adolatli natija bo‘ldi deb o‘ylayman" - deya fikr bildirdi Vitaliy Levchenko bahs yakunlangach. - Jamoangiz gol o‘tkazib yubormagunga qadar ikkinchi raqam bo‘lib o‘ynayotgan edi. Faqatgina goldan so‘ng jonlanish bo‘ldi. "Neftchi" bugun Olmaliqqa bir ochkoni qo‘lga kiritish uchun kelganmidi? - Biz g‘alaba uchun kelgandik. Barcha jamoa g‘alaba qozonishni istaydi. OKMK jamoasining kuchli jihatlarini bartaraf etishga intildik. Joriy mavsumda bitta o‘yinda ochiq futbol o‘ynashga harakat qildik, biroq natija biz kutgandek bo‘lmagan edi. Tahlil qilib chiqamiz va bir xulosaga kelamiz. Biz raqibning kuchli taraflarini hisobga olgan holda o‘ynaymiz. Hujumkor futbol namoyish etganimizda OKMK futbolchilariga ochiq zonalarni taqdim etgan bo‘lardik. OKMK esa bo‘sh zonalar tufayli kambeklar qayd etib kelmoqda. Jangovar o‘yin guvohi bo‘ldik. - Jamshid Iskanderov so‘nggi uchrashuvlarda 60 daqiqa ham o‘ynamayapti. Bunga sabab uning jismoniy holatimi yoki bu sizning qaroringiz? - Biz o‘yin davomida qaysi futbolchilarni maydonga tushirib, o‘yin sifatini oshira olishimiz haqida o‘ylaymiz. Jamoada taxminan 20ta futbolchi bor va biz rotatsiya qilishga majburmiz. Kimdir o‘yinga qo‘shilib keta oladi, kimdir esa yo‘q. G‘iyosovning tezligi evaziga o‘yinni kuchaytira olardik va shu sababli shunday qarorga keldik. - "Neftchi" O‘zbekistondagi eng kuchli tarkibga ega, lekin shunga qaramay jamoangiz asosan himoyaga e’tibor qaratmoqda. O‘tgan mavsumda "Navbahor" ham shunday yulduzli tarkibga ega bo‘lgan edi va gol urishi bilan himoyaga yotib olish bilan band edi. Sizning jamoangiz ham shunday o‘ynamoqda. "Navbahor" ssenariysi takrorlanishidan qo‘rqmaysizmi? - "Real" yulduzli tarkibga egami? Tushuning, familiyalar futbol o‘ynamaydi, oddiy insonlar futbol o‘ynashadi. Qachondir men ham o‘z familiyamga va nomimga ega bo‘lganman, ammo hozir maydonga tushib o‘ynab bera olmayman. Futbolda talablar bor va ularni bajarish kerak. Jurnalistlar bizdan hujumkor o‘yin kutishadi. Biz faqat hujum qilib, 0:4 hisobida mag‘lub bo‘laylik-mi? Shunda sizlar, hujumkor va chiroyli futbol uchun maqtaysizlarmi? Futbol intellektual o‘yin. Masalan, shaxmat o‘ynaganingizda istaganingizcha yurish qilmaysiz-ku. Strategiya orqali o‘ynaysiz. Futbol ham shunday. Talablarga javob beradigan futbolchilar maydonga tushishadi. Yulduzli jamoalar har doim ham natijaga erishaverishmaydi. Sababi taktika, tartib va strategiya degan narsalar bor. - Agar futbolda nomlar rol o‘ynamasa, unda nega "Neftchi" tarkibi bunchalik kuchaytirildi? - Shunchalik savollaringiz ko‘p-mi? Men ushbu savollarga darhol javob bera olmayman. Barchasi uchun vaqt kerak. OKMK o‘z tarkibini necha yildan beri o‘ynatib kelmoqda. Tanaffusda jamoa tarkibini o‘zgartirsak, OKMKning o‘yini qiziqarli bo‘lishda davom etadimi? Menimcha, yo‘q. Bir guruh futbolchilarni xarid qilgandan so‘ng barchasi yaxshi bo‘lib ketadi deb o‘ylaysizlarmi? Har bir murabbiyning o‘z qarashlari bo‘ladi. Jamoa ham oddiy insonlardan iborat. Hech kim mashina emas. Qaysidir jamoada 70-80 metr ortga qaytish talab etilmaydi, boshqasida esa bunday talab bor. Farq shunda. - "Neftchi" mag‘lub bo‘layotganida Marushichning o‘rniga Tabatadzeni maydonga tushirdingiz. Mag‘lub bo‘layotgan jamoa nega ikkita hujumchi bilan o‘ynamadi? Jamoangiz bitta hujumchi bilan o‘ynashda davom etganining sababi nimada? - Biz ikki nafar hujumchi bilan o‘ynadik-ku. - Iskandarov hujumchi emas-ku. - U hujumchi vazifasini bajaradi. Siz "Barselona" hujumchisiz o‘ynaganini ko‘rganmisiz? Men sizga bir savol beray. Tabatadze va Marushich bir xil funksiyadagi o‘yinchilar. Ularni bir vaqtda maydonga tashlasak, kim ortga qaytadi. Bunday jarayonlarni tushunish uchun, jamoa ichida bo‘lish kerak. Bir futbolchi to‘pni qabul qiluvchi va kurashuvchan bo‘lishi kerak. Ikkinchisi esa himoyachilarni ortda qoldirishi va to‘pni qabul qilish uchun ochilishi talab etiladi.

O‘zbekiston kubogi musobaqasining uchinchi bosqichidan o‘rin olgan OKMK hamda "Navoiy FA" jamoalari o‘rtasidagi uchrashuvda yirik hisob qayd etildi. Uchrashuv Olmaliq shahridagi "OKMK" stadionida bo‘lib o‘tdi va mezbonlarning 12:1 hisobidagi g‘alabasi bilan yakunlandi. O‘yindan keyin OKMK klubi bosh murabbiyi Mirjalol Qosimov jurnalistlar bilan matbuot anjumanida ishtirok etib, o‘z fikrlari bilan o‘rtoqlashdi: "Haqiqatdan ham, bugungi bellashuv oldidan guruhdagi vaziyat aniq emasdi, har qanday natija yuz berishi mumkin edi. Shu bois ham biz maydonga deyarli asosiy futbolchilarimiz bilan tushdik. Biroq, ayrim yetakchilarimiz – Islom To‘xtaxo‘jayev, Xurshid G‘iyosov va Datsi Kleydini bugungi o‘yinda zaxirada qoldirishni lozim ko‘rdik. Bunday qarorga kelishimizdan maqsad yosh futbolchilarimizga imkon berish, ularni katta o‘yinlarga ruhan va jismonan tayyorlash edi. O‘yin o‘z maydonimizda bo‘lgani uchun muxlislarimizga chiroyli bayram sovg‘a qilishni rejalashtirgandik. Gollarning ko‘pligi ham muxlislarimizni xursand qilish va guruh bosqichida oxirgi turdagi hisob-kitoblarimiz uchun muhim ahamiyatga ega edi. Nazarimda, shu jihatdan maqsadimizga erishdik. Albatta, raqibimiz "Navoiy FA" uchun bu mag‘lubiyat ancha og‘riqli bo‘lgani tabiiy. Lekin men raqib jamoaning yosh va iqtidorli futbolchilaridan ko‘ngillarini cho‘ktirmasliklarini, ruhan sinmasliklarini so‘rab qolardim. Ha, hisob katta bo‘ldi, ammo bu yosh futbolchilar uchun kelajakka qo‘yiladigan ilk qadam va muhim dars bo‘ladi. Ular shunday o‘yinlarda toblanib, katta futbolda kuchliroq va tajribaliroq bo‘lib yetishadilar. Hozir O‘zbekiston futbolida yoshlar va akademiyalarga katta imkoniyatlar yaratilayotgan bir paytda, shu imkoniyatlardan to‘liq foydalanib, o‘z ustilarida ishlashni davom ettirishlari kerak. Ushbu o‘yin "Navoiy FA" jamoasidagi yosh yigitlar uchun yaxshi tajriba maktabi bo‘lib xizmat qiladi, deb ishonaman", – deb fikrlarini yakunladi Mirjalol Qosimov. Ushbu natija bilan OKMK jamoasi O‘zbekiston kubogi guruh bosqichida muhim g‘alabaga erishib, keyingi bosqich uchun katta qadam tashladi.

O‘zbekiston kubogi 3-turidan o‘rin olgan "Paxtakor" - "Nasaf" bellashuvi yakuniga yetdi. "JAR"da o‘tgan bellashuvda maydon egalari ishonchli hisobda mehmonlarni mag‘lubiyatga uchratdi - 6:3. Toshkentliklar safida Igor Sergeyev het-trikka erishdi. Natijada Ro‘ziqul Berdiyev shogirdlari ketma-ket ikkinchi yildirki, O‘zbekiston kubogini guruh bosqichidayoq yakunladi. "Paxtakor" – "Nasaf" 6:3 Gollar: Ibrohim Ibragimov 3', Igor Sergeyev, 14', 61', 85', Dilshod Abdullayev 36', Brayan Riaskos 81' - Stefan Cholovich, 28', Akmal Mozgovoy 32', Husayn Norchayev 54'. "Paxtakor": 12.Vladimir Nazarov, 6.Muhammadali O‘rinboyev, 7.Hojiakbar Alijonov, 9.Ibrohim Ibragimov, 11.Igor Sergeyev, 20.Dilshod Abdullayev, 21.Bashar Resan, 22.Umar Adhamzoda, 27.Sardor Sobirxo‘jayev, 55.Muhammadrasul Abdumajidov, 77.Dilshod Saitov. Zaxira: 19.Jonatan Luis, 4.Abdulla Abdullayev, 15.Diyor Ortiqboyev, 18.Saidumar Saidnurullayev, 23.Abdurauf Bo‘riyev, 31.Muhammadali Usmonov, 44.Mahmud Mahammadjonov, 94.Brayan Riaskos, 99.Ulug‘bek Hoshimov. "Nasaf": 1.Oleksandr Vorobey, 5.G‘olib G‘aybullayev, 7.Akmal Mozgovoy, 8.Zafarmurod Abdirahmatov, 14.Sharof Muhitdinov, 17.Suhrob Nurulloyev, 18.Husayn Norchayev, 19.Stefan Cholovich, 22.Igor Golban, 24.Sardor Bahromov, 28.Shuhrat Muhammadiyev. Zaxira: 35.Abduvohid Ne’matov, 2.Alibek Davronov, 6.Murodbek Rahmatov, 10.Dragan Cheran, 33.Bahodir Xalilov, 73.Diyorbek Asomiddinov, 77.Oybek Bozorov, 92.Umarbek Eshmurodov, 99.Rubin Xebay. Chetlatish: Alibek Davronov 69' OKMK klubi esa birinchi liga vakili «Navoiy FA»ga qarshi bahsda 12:1 hisobida g‘alaba qozonib, guruhni peshqadam sifatida yakunladi. OKMK – Navoiy FA 12:1 Gollar: Ruben Sanches, 1 (1:0), Aziz Xolmurodov, 19 (2:0), Nodirbek Abdurazzoqov, 21 (3:0), Ruben Sanches, 33 (4:0), Sherzod Raufov, 42 avtogol (5:0), Nodirbek Abdurazzoqov, 42 (6:0), Ahmadullo Muqumjonov, 50 (7:0), Asadbek Sobirjonov, 55 (8:0), Ruben Sanches, 58 (9:0), Hasan Murodilloyev, 60 (9:1), Xurshid G‘iyosov, 64 (10:1), Xurshid G‘iyosov, 77 (11:1), Asadbek Sobirjonov, 78 (12:1) OKMK: 1.Humoyunshoh Sayyotov, 4.Mirjamol Qosimov, 5.Giorgi Papava, 6.Avazbek O‘lmasaliyev, 7.Dilshodbek Ahmadaliyev, 8.Aziz Xolmurodov, 11.Ruben Sanches, 15.Oybek Rustamov, 19.Ahmadullo Muqumjonov, 77.Nodirbek Abdurazzoqov, 99.Asadbek Sobirjonov. Zaxira: 31.Muhammad Ubaydullayev, 9.Kleydi Datsi, 10.Xurshid G‘iyosov, 13.Eldorbek Begimov, 16.Naoaki Senaga, 20.Islom To‘xtaxo‘jayev, 23.Ajak Riak, 28.Arixiro Sentoku, 90.Abubakr Rizo Turdialiyev. "Navoiy FA": 1.Samandar Nurmamatov, 2.Sherzod Raufov, 3.Sardorjon Hazratqulov, 4.E’zoz Boymurodov, 9.Shahboz Fayziyev, 10.Ozodbek Ro‘ziyev, 19.Ozodbek Bekmurotov, 20.Mehroj Qo‘ldoshev, 33.Azizbek Qarshiyev, 47.Hasan Mirodilloyev, 50.Shahriyor Rashidov. Zaxira: 32.Mehrojbek Sirojiddinov, 7.Saidusmon Akmalov, 17.Sanjarjon Sobirov, 18.Jasurbek Safarboyev, 25.Akbarali Anvarov, 27.Azizbek Rajabov, 71.Sardorbek Shamsiyev.

Bugun O‘zbekiston kubogi 3-turi doirasidagi bahslar start oldi. "H" guruhidagi vaziyat bo‘yicha ko‘pchilik juda ko‘p savol bilan murojaat qilmoqda. Oxirgi turda "Paxtakor", OKMK va "Nasaf"ning ochkolari teng bo‘lib qolsa dastlab nimaga qaraladi? Keyingi bosqichga kimlar chiqadi? Reglamentga ko‘ra, ikki va undan ortiq qatnashchi to‘plagan ochkolar teng bo‘lib qolsa, ularning o‘rni quyidagi ketma-ketlik bo‘yicha aniqlanadi: 1. o‘zaro uchrashuv(lar) natijasiga ko‘ra; 2. o‘zaro uchrashuvlarda olingan ochkolar natijasiga ko‘ra; 3. o‘zaro uchrashuvlarda urilgan va o‘tkazib yuborilgan to‘plar farqiga ko‘ra; 4. barcha uchrashuvlarda urilgan va o‘tkazib yuborilgan to‘plar farqiga ko‘ra; 5. barcha uchrashuvlarda urilgan to‘plar soniga ko‘ra; 6. barcha uchrashuvlarda raqib maydonida urilgan to‘plar soniga ko‘ra; 7. barcha uchrashuvlarda erishilgan g‘alabalar soniga ko‘ra; 8. barcha uchrashuvlarda safar o‘yinlarida erishilgan g‘alabalar soniga ko‘ra; 9. barcha uchrashuvlarda uy o‘yinlarida uchralgan mag‘lubiyatlar sonining aks ta’siriga ko‘ra. Bizning holatimizda aytaylik "Nasaf" "Paxtakor"ni bitta to‘p farqi bilan yutdi (1:0, 2:1, 3:2 va hokazo) va ochkolarini 6 taga yetkazib oldi. OKMK esa "Navoiy FA"ni istalgan hisobda mag‘lub etdi va ochkosini 6 taga yetkazdi. Bunday holatda uchta klubda ochkolar soni 6 tadan bo‘ladi va aynan mana shu uchta klubning o‘zaro o‘yinlari hisoblanadi. "Navoiy FA"ga qarshi bahslar olib tashlanadi. E’tiborlisi yuqoridagi reglamentning dastlabki uchta qatoridagi barcha ko‘rsatkichlar teng bo‘ladi: - "Paxtakor" 3 ochko, to‘plar farqi 0 - OKMK 3 ochko, to‘plar farqi 0 - "Nasaf" 3 ochko, to‘plar farqi 0 Endi reglamentning to‘rtinchi qatoriga o‘tamiz: barcha uchrashuvlarda urilgan va o‘tkazib yuborilgan to‘plar farqiga ko‘ra; Bunday holatda "Navoiy FA"ga qarshi bellashuvlar ham o‘z kuchida qoladi va guruhdagi umumiy to‘plar farqiga qaraladi. Ayni paytda vaziyat bunday: - "Paxtakor" to‘plar farqi +10 - "Nasaf" to‘plar farqi +3 - OKMK to‘plar farqi 0 "Nasaf" bitta to‘p farqi bilan yutsa +4 bo‘ladi, "Paxtakor"da esa +9 ga aylanadi. Ya’ni "sherlar" Karmanaga asosiy futbolchilarni olib borib yirik hisobda yutgani shu joyda as qotadi. Demak hamma gap OKMK - "Navoiy FA" uchrashuvida qoladi. Olmaliq klubi keyingi bosqichga chiqishi uchun imkon qadar yirikroq hisobda yutishi talab etiladi. Har qanday holatda ham, 13 may kungi bahslarni diqqat bilan kuzatish kerak bo‘ladi.

Superliganing 9-turida OKMKga qarshi o‘yindan keyin "Qo‘qon-1912" bosh murabbiyi Bahrom Haydarov matbuot anjumanida qatnashdi. O‘yin haqida - Yutqazgan o‘yinni taxlil qilib, keyin gapirish kerak. O‘yin davomida tashabbus OKMK tomonda edi, biz esa ikkinchi raqamli bo‘lib o‘ynashga harakat qildik va buning uddasidan chiqayotgandik. Bunday jamoaga qarshi himoyalanish qiyin. Vaziyatlar yaratishning uddasidan chiqdik. Reja qilingan hujumlarni uyushtirib, buni golga ham aylantirdik. Futbolchilarim bugun juda katta mehnat qilishdi, ular o‘yinga past nazar bilan qarashmadi, bor kuchini berib o‘ynadi. "Bunyodkor"ga qarshi o‘yinda ham himoyadagi qo‘pol xato sababli gol o‘tkazib yuborgandik. Bunday holatlar futbolchining o‘yinga ruhiy tayyor emasligi yoki xatolari ustida ishlamayotganligini anglatadi. Biroq faqatgina bir vaziyat haqida gapirish yaxshi emas. Hisob 1:0 paytida biz yaxshi qarshi hujumga ega bo‘lgandik. Hisobni 2:0ga yetkazganimizda bu yerda hozir umuman boshqacha fikrlar, boshqacha natija bo‘lardi. Futbol shunaqa, 30 soniya ichida o‘yin, jamoa haqidagi fikrlar o‘zgarib ketdi. Bu tabiiy holat. Bu biz, murabbiylar shtabi, futbolchilarga foydali bo‘lishi mumkin. Shu orqali futbolchilar o‘z xatolarini ko‘rishi, o‘zlariga bo‘lgan fikrlarini o‘zgarishiga turtki bo‘ladi. O‘z uyimizda yutqazdik, garchi birinchi o‘rindagi jamoaga mag‘lub bo‘lgan bo‘lsak ham bu alamli bo‘ldi. Chunki bugun yutishimiz ham mumkin edi. - Bugun Yegor Kondratyuk va Iqbol Malikjonovning zahirada qoldirilgani barchani hayron qoldirdi. Ularning jarohati bormidi? - Yo‘q, unday muammolar yo‘q edi. U kuchli jamoalarga qarshi o‘yinlarda Jasur Xolto‘rayevning o‘rniga maydonga tushganida yanada foydali futbolchi ekanligini ko‘rdik. Shu sababli biz shunday qarorga kelgandik. Iqbol Malikjonovga kelsak, u uchta o‘yinda qatnashmadi. Jamoada raqobat juda katta. O‘tgan o‘yinlarda uning nuqtasida o‘ynagan futbolchilarni olib tashlash adolatsizlik bo‘lardi. Chunki ular ham yaxshi o‘yin namoyish qilishgandi. Natija bo‘lmaganidan keyin Iqbol Malikjonov yoki Shota Gvazava bo‘lganida boshqacha bo‘lishi mumkin edi deyishi mumkin. 30 soniyada barchasi o‘zgarib ketdi. Hozir jamoada kim o‘yinga tayyor bo‘lsa, o‘shani maydonga tushiryapmiz. Barchasi raqobat sabab. - Asliddin Toshtemirovning jarohati qanday? U "Nasaf"ga qarshi o‘ynaydimi? - Hozirni o‘zida aniq gap aytish qiyin. U oyoq mushaklarini tortib oldi. Ertaga uni tibbiy ko‘rikdan o‘tkazamiz va barchasi aniq bo‘ladi.

Superliganing 9-turida "Qo‘qon-1912"ga qarshi o‘yindan keyin OKMK bosh murabbiyi Mirjalol Qosimov matbuot anjumanida qatnashdi. O‘yin haqida - Asabiy o‘yin bo‘ldi. Oldin ham aytganman, vodiyda, shu jumladan, Qo‘qonda futbol o‘ynash oson emas. Raqib birinchi bo‘limda yaxshi o‘yin namoyish qildi va hisobda oldinga chiqib oldi. Lekin shunga qaramasdan yigitlarim irodali g‘alabaga erishdi. Buning uchun futbolchilarimga minnatdorligimni bildiraman. Qo‘qonda "Qo‘qon-1912"ga qarshi o‘ynash doimo qiyin kechgan. G‘alabadan xursandman. - OKMK so‘nggi paytlarda irodali g‘alabalar qayd etmoqda. Zahiradan tushayotgan futbolchilar o‘yinni kuchaytiryaptimi yoki boshqa siri bormi? - Yo‘q, buning siri yo‘q. Maydonga tushayotgan futbolchilarimning maqsadi bitta - chiroyli o‘yin ko‘rsatish, muxlislar uchun o‘ynash. Shogirdlarimning har biri o‘yinga o‘z hissasini qo‘shishni istashadi. - Nima deb o‘ylaysiz futbol hakamligi saviyasini oshirish uchun futbolchilik faoliyatini yakunlagan futbolchilardan hakam tayyorlaydigan kurs ochish kerak emasmikin? Nikita Mustafin, Rustam Lutfullin, Asker Najafaliyev kabi hakamlar oldin futbol o‘ynamagan. Futbol o‘ynaganlar esa qanday qarorlar chiqarish kerakligini biladi. Shu taklifga qanday qaraysiz? - Savol uchun rahmat. Menimcha O‘zbekistonda futbol o‘ynamagan erkak kishi bo‘lmasa kerak. Hamma futbol o‘ynagan, lekin ayrim sabablarga ko‘ra futbolni jarohat yoki boshqa sabab bilan davom ettira olmagan. Ular futbol maktablariga borgan bo‘lishi mumkin. Hozir eshitishimga qaraganda hakamlar akademiyasi ochilgan, bu borada ham oldinga qadam tashlangan. Bu kelajakda o‘z samarasini beradi va yaxshi hakamlar chiqadi. Aynan qaysi sabab bilan bu savolni berganingizni tushunmadim. Hakam o‘yin davomida tizginni qo‘lidan chiqarib yuborishi kerak emas. Ular uchun alohida rahbarlar, hakamlarni nazorat qiladigan qo‘mita, ularga ham o‘rgatadigan ustozlari bor. Ular ham issiq jon, bu hayotda Parvardigordan boshqa hamma xato qiladi. Faqatgina ishlamagan odam xato qilmaydi. Shu sababli men hakamlarga, hatto raqib futbolchilariga ham baho bera olmayman, o‘z jamoamdagi futbolchilarni baholashim mumkin. Futbolchilar va hakamlar qanchalik ko‘p chiqsa, biz faqatgina xursand bo‘lamiz. Xalqaro maydonlarda ular hakamlik qilishsa, bayrog‘imiz yuqoriga ko‘tariladi, ularga muxlislik qilib biz ham o‘yinlarni tomosha qilamiz. - "Qo‘qon-1912" goli vaqtida darvozabon to‘pga chiqishda xatolikka yo‘l qo‘ydi. Bu holatga fikringiz qanday? - Darvozabonlar ham shunday o‘yinlar orqali toblanib boradi. Hozir aytganimdek, har bir inson xato qiladi. Bungacha ham u xatolar qilgan. Bir-ikki vaziyatda u himoyachilar oldiga chiqishi kerak edi. Bunday holat yana bir marta sodir bo‘ldi. Bu narsa unga signal bo‘lishi kerak edi. Barcha futbolchilar shunday o‘yinlardagi xatolarini hulosa qilishi orqali, keyingi bahslarda bartaraf etishga harakat qiladi.

Superliganing 9-turidan o‘rin olgan "Qo‘qon-1912" - OKMK bellashuvi yakuniga yetdi. Mazkur to‘qnashuvda olmaliqliklar kambek amalga oshirgan holda 1:3 hisobidagi g‘alabani qo‘lga kiritdi. Dastlab, Avazbek O‘lmasaliyev 38-daqiqada o‘z darvozasini ishg‘ol etib qo‘ydi. Ikkinchi bo‘limning 73-daqiqasida esa O‘lmasaliyev o‘z xatosini to‘g‘riladi va oradagi farqni yo‘qqa chiqardi. Asadbek Sobirjonov 81-daqiqada raqib himoyachisining xatosidan unumli foydalangan holda jamoasini hisobda oldinga olib chiqdi. Sobirjonovning o‘zi 87-daqiqada oradagi farqni ikkitaga yetkazib qo‘ydi - 1:3. Shu tariqa, OKMK navbatdagi 3 ochkoni qo‘lga kiritdi va hisobidagi ochkolar sonini 21 taga yetkazib qo‘ydi. “Qo‘qon-1912” — OKMK - 1:3 Gollar: Avazbek O‘lmasaliyev 38 avtogol, - 1:0. Avazbek O‘lmasaliyev 73, - 1:1. Asadbek Sobirjonov 81, - 1:2. Asadbek Sobirjonov 88, - 1:3 (Aziz Xolmurodov). "Qo‘qon-1912": 13.Azizxon Isaqov, 4.Asliddin Toshtemirov (20.Iqboljon Malikjonov, 19), 5.Jasurbek Yoqubov, 6.Alisher Salimov, 7.Shota Gvazava (9.Javohir Husanov, 88), 8.Baxtiyorjon Qosimov, 11.Shahzod Beshimov (18.Bahrom Abdurahimov, 88), 14.Jasur Xolto‘rayev (69.Yegor Kondratyuk, 65), 19.Shahzod Akramov, 22.Muhammadanas Hasanov, 44.Andro Giorgadze. Zaxira: 1.Rustam Nortojiyev, 10.Husniddin G‘ofurov, 15.Zafar Hakimov, 23.Bekjon Jo‘raboyev, 30.Ibrohimjon Muxtorov. OKMK: 1.Humoyunshoh Sayyotov, 4.Mirjamol Qosimov (99.Asadbek Sobirjonov, 64), 6.Avazbek O‘lmasaliyev, 7.Dilshodbek Ahmadaliyev, 9.Kleydi Datsi (8.Aziz Xolmurodov, 46), 10.Xurshid G‘iyosov, 15.Oybek Rustamov, 19.Ahmadullo Muqumjonov (16.Naoaki Senaga, 64), 20.Islom To‘xtaxo‘jayev, 28.Arixiro Sentoku (11.Ruben Sanches, 46), 77.Nodirbek Abdurazzoqov. Zaxira: 31.Muhammad Ubaydullayev, 5.Giorgi Papava, 13.Eldorbek Begimov, 23.Ajak Riak, 90.Abubakr Rizo Turdialiyev. Ogohlantirish: Kleydi Datsi 34.

O‘zbekiston Superligasining 8-tur bahslari yakuniga yetgach, hakamlik bilan bog‘liq bir qator bahsli vaziyatlar yuzaga keldi. O‘zbekiston futbol assotsiatsiyasi Hakamlar qo‘mitasi o‘tkazilgan o‘yinlarda hakamlar tomonidan qabul qilingan qarorlarni yana bir bor chuqur tahlil qildi va ikki hakamning jiddiy xatolarga yo‘l qo‘yganini e’tirof etib, ularga nisbatan tegishli choralar qo‘lladi. Jumladan, OKMK hamda "Andijon" jamoalari o‘rtasida bo‘lib o‘tgan o‘yinning 60-daqiqasida OKMK vakili raqib futbolchisiga qarshi noqonuniy harakat sodir etdi. U to‘psiz vaziyatda "Andijon" o‘yinchisining yuziga tirsak bilan zarba berdi. Bosh hakam Rustam Lutfullin esa VAR hakami bilan maslahatlashib, mazkur vaziyatga tegishli qaror qabul qildi va bu holatda xatoga yo‘l qo‘ymadi. Biroq, o‘sha uchrashuvning 85-daqiqasida yuzaga kelgan holatda hakam tomonidan yo‘l qo‘yilgan jiddiy xatolik qayd etildi. Futbolchilar to‘p uchun kurashayotgan vaqtda Lutfullin 11 metrlik jarima zarbasi belgiladi. Ammo ekspert hakamlar fikricha, bu holatda penalti tayinlanishiga asos bo‘ladigan vaziyat mavjud emas edi. Natijada, Hakamlar qo‘mitasi ushbu jiddiy xatosi uchun Rustam Lutfullinni nomuayyan muddatga hakamlikdan chetlatdi. Shuningdek, "Qizilqum" va "Navbahor" jamoalari o‘rtasida kechgan uchrashuvda ham bahsli holat kuzatildi. Ushbu o‘yinning 90+5-daqiqasida "Navbahor" futbolchisining qo‘liga to‘p tekkani bois, bosh hakam Ahrol Risqullayev 11 metrlik jarima zarbasini belgiladi. VAR tekshiruvi ham bosh hakamning qarorini o‘zgartirmadi va 90+12-daqiqada ushbu penalti amalga oshirildi. Lekin ekspertlar tahlil natijalariga ko‘ra, futbolchining qo‘li tanasiga yopishib turgani sababli, bu holatda penalti tayinlanmasligi kerak deb topildi. Shu sababli, Hakamlar qo‘mitasi bosh hakam Ahrol Risqullayevni ham jiddiy xatoga yo‘l qo‘ygani uchun nomuayyan muddatga hakamlik faoliyatidan chetlatishga qaror qildi. Bu holatlar orqali O‘zbekiston futbol assotsiatsiyasi va Hakamlar qo‘mitasi hakamlar faoliyatida shaffoflik va adolat tamoyilini qat’iy ta’minlashda davom etayotganini yana bir bor isbotladi.

Ma’lumki, kecha Superliganing navbatdagi turida «Andijon» klubi Olmaliqda OKMK jamoasiga qarshi o‘ynadi. Uchrashuv juda keskin va dramatik ssenariyda o‘tdi. Birinchi bo‘limni 3:1 hisobida g‘olib sifatida yakunlagan «burgutlar» uchun ikkinchi taym omadsizlik bilan tugadi. Mezbon jamoa futbolchisi hatto maydondan chetlatilganiga qaramay, OKMK hisobni o‘z foydasiga 4:3 ga o‘zgartirishga muvaffaq bo‘ldi va g‘alabani tortib oldi. Ushbu omadsiz natijadan so‘ng, bugun klub rahbariyati tomonidan muhim qaror qabul qilindi va jamoa bosh murabbiyi Aleksandr Xomyakov iste’foga chiqarildi. «Andijon» klubi rasmiy bayonotida ta’kidlanishicha, oxirgi o‘yinlardagi muvaffaqiyatsiz natijalar ushbu qarorga sabab bo‘lgan. Klub rahbariyati va muxlislar Aleksandr Xomyakovga jamoada ko‘rsatgan mehnati va qilgan xizmatlari uchun minnatdorchilik bildirdi. Ma’lum qilinishicha, jamoaga yangi bosh murabbiy tayinlanguncha, «Andijon»ni vaqtinchalik Artyom Petrosyan boshqaradi. Uning qo‘l ostida jamoa yangi g‘alabalarga umid bog‘lamoqda. Shunday qilib, «Andijon» klubi muxlislari va rahbariyati yangi bosh murabbiy tayinlanishini intiqlik bilan kutib qolmoqda. Ayni paytda klubning asosiy vazifasi yangi murabbiy rahbarligida mavsumning qolgan qismida yaxshi natijalar qayd etish va turnir jadvalida yuqori o‘rinlarga intilish bo‘ladi.

Turning markaziy bahslaridan birida OKMK va "So‘g‘diyona" jamoalari o‘zaro to‘qnashdi. Ushbu qarama-qarshilikda mezbonlar 3:2 hisobida g‘alaba qozondi. Gollarga Lyupcho Doriyev, 47 (0:1), Ali Abdurahmonov, 52 (1:1), Lyupcho Doriyev, 57 (1:2), Xurshid G‘iyosov, 74 (2:2), Xurshid G‘iyosov, 84 (3:2) mualliflik qildi. Shu tariqa, olmaliqliklar irodali g‘alabani qo‘lga kiritdi. OKMK – "So‘g‘diyona" 3:2 Gollar: 0:1 – 47, Lyupcho Doriyev (Otabek Ahadov), 1:1 – 52, Ali Abdurahmonov (Asadbek Sobirjonov), 1:2 – 57, Lyupcho Doriyev (Ehsoni Panshanbe), 2:2 – 74, Xurshid G‘iyosov (Dilshodbek Ahmadaliyev), 3:2 – 83, Xurshid G‘iyosov (Aziz Xolmurodov) OKMK: 35.Javohir Ilyosov, 3.Sardor Rahmonov (8.Aziz Xolmurodov, 63), 5.Giorgi Papava (9.Ruben Sanches, 76), 6.Avazbek O‘lmasaliyev, 7.Dilshodbek Ahmadaliyev, 15.Oybek Rustamov, 19.Ahmadullo Muqumjonov (21.Saidavzalxon Ahrorov, 46), 20.Islom To‘xtaxo‘jayev, 23. Ajak Riyak (27.Ali Abdurahmonov, 46), 77.Nodirbek Abdurazzoqov, 99.Asadbek Sobirjonov (10.Xurshid G‘iyosov, 60). Zaxira: 4.Mirjamol Qosimov, 13.Eldorbek Begimov, 25.Dilshod Yoqubov, 28.Arixiro Sentoku. "So‘g‘diyona": 21.Muhammadyusuf Sobirov, 2.Zoir Jo‘raboyev (42.Sardorbek Erkinov, 87), 3.Islomjon Qobilov, 4.Otabek Ahadov, 7.Xondamir Mustafoqulov, 8.Suhrob Izzatov (23.Sardorbek Hoshimov, 87), 9.Samandarjon Mavlonqulov, 14.Lyupcho Doriyev, 17.Ehsoni Panshanbe (6.Samandar Sindarov, 78), 19.Javohir Qahramonov, 34.Dilshodbek Misraliyev (32.Nodirjon Soyibov, 63). Zaxira: 1.Shohruh Isoqov, 5.Behruz Jumatov, 20.Fazliddin Omonkeldiyev, 28.Stanislav Andreyev, 99.Umidbek Sultonov. Ogohlantirishlar: Ahmadullo Muqumjonov (38), Sardorbek Erkinov (90+4). Chetlatish: Ehsone Payshanbe (90+1).

O‘zbekiston Kubogi 1-turidan o‘rin olgan "Paxtakor"-OKMK bahsi "sherlar" foydasiga 2:1 hisobida yakunlandi. Mazkur uchrashuvdagi gollarga Otabek Jo‘raqo‘ziyev, 10 (1:0), Nodirbek Abdurazzoqov, 29 (1:1), Igor Sergeyev, 75 (2:1) mualliflik qilishdi. “Paxtakor” — OKMK 2:1 Gollar: Otabek Jo‘raqo‘ziyev 10, (1:0), Nodirbek Abdurazzoqov 29, (1:1), Igor Sergeyev 75, (2:1) "Paxtakor": 12.Vladimir Nazarov, 4.Abdulla Abdullayev, 6.Muhammadali O‘rinboyev, 7.Xojiakbar Alijonov, 9.Ibrohim Ibragimov, 11.Igor Sergeyev, 27.Sardor Sobirxo‘jayev, 30.Otabek Jo‘raqo‘ziyev, 44.Mahmudjon Mahammadjonov, 47.Jonatan Lukka, 55.Muhammadrasul Abdumajidov. OKMK: 35.Javohir Ilyosov, 3.Sardor Rahmonov, 4.Mirjamol Qosimov, 10.Xurshid G‘iyosov, 13.Eldorbek Begimov, 15.Oybek Rustamov, 19.Ahmadullo Buqumjonov, 20.Islom To‘xtaxo‘jayev, 23.Ajak Chol Riak, 77.Nodirbek Abdurazzoqov, 99.Asadbek Sobirjonov.

Superliganing 3-turidan o‘rin olgan "Qizilqum" – OKMK (1:3) uchrashuvidan so‘ng mehmonlar bosh murabbiyi Nikola Lazarevich matbuot anjumanida o‘yin haqidagi fikrlarini bildirib o‘tdi. - OKMK jamoasini g‘alaba bilan tabriklayman. Raqibimiz mavsum oldidan tayyorgarlik jarayonini a’lo darajada o‘tkazgani ko‘rinib turibdi. Birinchi bo‘limda o‘yin teng kurashlar ostida o‘tayotgandi. Vaziyatlar yaratdik, raqib darvozasi tomon xavf soldik. Biroq, yakuniy zarbalarda aniqlik yetishmadi. Vaziyatlarni yakunlashda kamchiliklarimiz ko‘zga tashlandi. Ikkinchi bo‘limda bizda xatolar ko‘p bo‘ldi. Ikkinchi golni o‘tkazib yuborganimizdan so‘ng o‘yinni tashlab yubordik desa ham bo‘ladi. OKMK jamoasi o‘z vaziyatlaridan unumli foydalandi. Navbatdagi uchrashuvlarda bu klubga muvaffaqiyat tilayman. Xatolardan to‘g‘ri xulosa chiqaramiz. Ishlashimiz kerakmi, ishlaymiz, natija osonlikcha kelmaydi. Har bir o‘yinda ishonch va ishtiyoq bilan kurashishimiz kerak" - deydi navoiyliklar ustozi.

Superliganing 3-turidan o‘rin olgan "Qizilqum" - OKMK (1:3) uchrashuvidan so‘ng mezbonlar bosh murabbiyi Mirjalol Qosimov matbuot anjumanida ishtirok etdi. - Fursatdan foydalanib barcha yurtdoshlarimizni kelayotgan Ramazon hayit bayrami bilan tabriklayman. Oson o‘yinning o‘zi yo‘q. Shogirdlarimning 80 foizi ro‘zador edi. Birinchi bo‘lim og‘irroq o‘tdi. Ikkinchi bo‘limda shogirdlarim o‘z oldilariga qo‘yilgan vazifani to‘laqonli uddalashdi. Bizni qo‘llab quvvatlagan muxlislarga o‘z minnatdorchiligimni bildiraman. - Bu yil OKMK oldida chempionlik vazifasi qo‘yilganmi? - Har doim mavsum avvalida shunaqa savol berishadi. Maqsadimiz har bir o‘yinda muxlislarga tomoshabop futbol taqdim etish. Sport prinsiplari bor, biz maydonga chiqqanimizda har qanday raqibga yetarlicha kurash taqdim eta olishimiz kerak. - Siz o‘tgan mavsumlarda jamoa darvozabonlarini ko‘p rotatsiya qilardingiz. Bu mavsumda ortda qolgan 3 o‘yinda faqat Javohir Ilyosovni ko‘rayapmiz... - Futbolchi ham inson. Hammada ham turlicha ruhiyat bo‘ladi. Eng tayyor bo‘lganni maydonga chiqaramiz. Balki Dilshod yoki Xumoyunshohni asosiy tarkibga kiritarmiz. Buni vaqt ko‘rsatadi.

Toshkent shahrining markaziy issiq suv ta’minoti tizimini boshqaruvchi Veolia Energy Tashkent kompaniyasi 2024 yil sentabr va oktyabr oylarida amalga oshiriladigan rejalashtirilgan texnik xizmat ko‘rsatish ishlari jadvalini e’lon qildi. Bu haqida Upl.uz xabar berdi. Ushbu profilaktika tadbirlari davomida markaziy isitish tizimiga ulangan turar joylarda issiq suv ta’minoti vaqtincha to‘xtatiladi. Har bir bosqichda suv ta’minotining uzilishi besh kun davom etadi. Kompaniyaning rasmiy bayonotida qayd etilishicha, bu chora-tadbirlar shaharning issiq suv va isitish infratuzilmasini kelayotgan qish mavsumiga tayyorlash uchun juda muhimdir. Diagnostika va zarur ta’mirlash ishlari tizimning qishki yuklamalar vaqtida barqaror va nosozliksiz ishlashini ta’minlashga qaratilgan. Veolia Energy Tashkent rahbariyati poytaxt aholisi va tashkilotlaridan vaqtinchalik noqulayliklarga sabr-toqat bilan yondashishni so‘radi. Texnik xizmat ko‘rsatish ishlari va issiq suv ta’minotining vaqtincha to‘xtatilishi quyidagi bosqichlarda amalga oshiriladi: 8-12 sentabr kunlari Mirzo Ulug‘bek, Temur Malik, Avayxon, Mingbuloq ko‘chalari, shuningdek Mirishkor, Shukura Burxonova, Razzok Hamroyev, Salom, Durmon yo‘li va Feruza hududlarida suv uzilishi kuzatiladi. Shuningdek, Karasu-1,2,3,4,6, Buz-2 va Feruza massivlari, Zarqarlik, Lutfi, Bog‘iston, Katartal, Guliston, Farhod ko‘chalari va boshqa bir qator hududlarda ham vaqtincha to‘xtatishlar bo‘ladi. 15-19 sentabr kunlari Qorasuv, Besharyk, Birlashgan, Elbek, Asalobod, Quruvchilar, Uysuzlar, Parkent, Chulpon, Alimkent ko‘chalari va Axangaran shosse hududlarida suv ta’minoti to‘xtatiladi. Tuzel, Uysuzlar, Asalobod massivlari va Aviagorodok shaharlarida ham shu tarzda xizmat ko‘rsatish vaqtincha to‘xtatiladi. Shuningdek, shahar markazi va uning atrofidagi ko‘plab ko‘chalar va massivlar bu jarayonga kiradi. 22-26 sentabr kunlari Mustaqillik prospekti, Mirzo Ulug‘bek, Buyuk Ipak Yo‘li, Qari Niyoziy, Sayram, Tamara Xonim, Akkurgan, Osiyo, Lev Tolstoy ko‘chalari va atrofdagi hududlarda profilaktika ishlari olib boriladi. Bu davrda Yalangach, Tashselmash, Mavlono Riyoziy, Buz-1 massivlari va boshqa hududlarda issiq suv ta’minoti vaqtincha uziladi. 29 sentabr – 3 oktyabr kunlari Amir Temur va Mustaqillik prospektlari, Ahmad Donish, Sharofa Rashidov, Yahyo Gulyamov ko‘chalari, Shahrisabz, Shastri, Yangishahar, Dehqonobod hududlari va boshqa ko‘plab joylarda suv ta’minoti to‘xtatiladi. Shu bilan birga, Beltepa, Ibn Sino, Jararyk, Beshqurghan, Olimpiya massivlari va talabalar shaharchalari ham vaqtincha issiq suvsiz qoladi. 6-10 oktyabr kunlari Munis, Sarikul, Eski Sarikul, Yangizamon, Yangi Kuyluk, Abdurauf Fitrat, Farg‘ona Yo‘li va Kuyluk massivlarida ham shu kabi texnik xizmat ko‘rsatish ishlari amalga oshiriladi. Sergeli tumanidagi ko‘plab ko‘cha va massivlarda ham issiq suv ta’minoti vaqtinchalik uziladi. Toshkent markaziy issiq suv ta’minoti tizimi Markaziy Osiyodagi eng yirik tizimlardan biri hisoblanadi. Uning umumiy uzunligi 2000 kilometrdan ortib, bu masofa Toshkentdan Istanbulgacha bo‘lgan to‘g‘ri chiziq masofasiga tengdir. Shuning uchun, belgilangan muddatlarda amalga oshiriladigan texnik xizmat ko‘rsatish ishlari shaharning issiq suv va isitish tizimining ishonchli ishlashini ta’minlash uchun zarurdir. Aholidan vaqtinchalik noqulayliklarga tushunish bilan qarashlari so‘raladi.

Bugun, 7 sentyabr kuni, O‘zbekiston osmonida noyob astronomik hodisa — to‘liq Oy tutilishi yuz beradi. Bu haqida Zamin.uz xabar berdi. O‘zbekiston Fanlar akademiyasining ma’lumotlariga ko‘ra, ushbu hodisa mamlakatimizning barcha hududlaridan aniq ko‘rinadi. Oy tutilishi paytida Oy yuzasi butunlay Yer soyasida qoladi. To‘liq fazali tutilish 1 soat 22 daqiqa davom etadi, biroq butun jarayon 5 soatdan ortiq vaqtni o‘z ichiga oladi. Bu hodisa nafaqat O‘zbekistonda, balki Evroosiyo va Afrikadagi bir qator davlatlarda ham kuzatiladi. Jumladan, Qozog‘iston, Qirg‘iziston, Tojikiston, Turkmaniston, Afg‘oniston, Eron, Arab davlatlari, shuningdek, Pokiston, Hindiston, Xitoy, Janubiy va Shimoliy Koreya, Malayziya, Vyetnam, Laos kabi mamlakatlarda to‘liq Oy tutilishini ko‘rish mumkin. Rossiyaning markaziy hududlari, Turkiya, Ozarbayjon, Saudiya Arabistoni, Yaponiya va Avstraliyaning ayrim joylarida ham Oy to‘liq soyada qoladi. Yevropa, Filippin, Gavayi, Fidji va Yangi Zelandiya esa qisman tutilishni kuzatadi. O‘zbekistonda Oy tutilishining aniq vaqtlari quyidagicha: qisman tutilish Toshkent vaqti bilan 21:27 da boshlanadi, to‘liq faza 22:30 da kirib keladi, 23:11 da eng yuqori nuqtaga yetadi, 23:52 da to‘liq faza yakunlanadi va 8 sentyabr soat 00:56 da qisman faza ham tugaydi. Mutaxassislar ma’lumotiga ko‘ra, tutilish davomida Oyning ufqdan balandligi dastlab 27 darajani tashkil etadi, maksimal paytda esa 39 darajagacha ko‘tariladi. Eng muhimi, ushbu hodisani kuzatish uchun teleskop yoki boshqa maxsus uskunalar talab qilinmaydi. Oddiy ko‘z bilan ham Oy tutilishini xavfsiz tomosha qilish mumkin. Olimlar ta’kidlaganidek, Oy tutilishini bevosita ko‘z bilan kuzatish mutlaqo xavfsiz hisoblanadi. Astronomiya ixlosmandlari va oddiy fuqarolar uchun bu kecha tabiatning noyob go‘zalligini ko‘rish va esda qolarli xotira yaratish uchun ajoyib imkoniyatdir. Manba: O‘zbekiston Fanlar akademiyasi.

Rossiya Federal tibbiyot-biologik agentligi (FTBA) yangi mRNK vaksinasining saraton kasalligiga qarshi zarur tadqiqotlarini yakunlab, uni ro‘yxatdan o‘tkazish uchun hujjatlarni taqdim etdi. Bu haqida Upl.uz xabar berdi. Bu esa vaksinaning klinik qo‘llanilishiga yo‘l ochmoqda. Agentlik rahbari Veronika Skvortsova yaqinda “Izvestiya” nashriga bergan intervyusida shunday ma’lumot berdi. Uning so‘zlariga ko‘ra, “Enteromiks” nomli preparatni qo‘llash uchun ruxsat olish hujjatlari 2025-yilning yoz oxirida Sog‘liqni saqlash vazirligiga topshirilgan. Bu jarayon klinikadan oldingi uzoq sinovlardan so‘ng amalga oshirildi va ular preparatning xavfsizligi hamda samaradorligini tasdiqladi. Ushbu vaksinani ishlab chiqish shaxsiylashtirilgan dori vositalarini yaratish bo‘yicha kengroq tashabbusning bir qismi hisoblanadi. mRNK texnologiyasi asosida yaratilgan preparat har bir bemor uchun o‘ziga xos bo‘lgan o‘sma hujayralarining xususiyatlariga moslashtirilgan vaksina yaratishni nazarda tutadi. Tadqiqotlarda hayvonlarda, xususan ichak adenokarsinomasi bilan og‘rigan modellar ustida sinovlar o‘tkazildi. Natijalar shuni ko‘rsatdiki, preparat o‘smaning o‘sishini sekinlashtirishi bilan birga uning hajmini 75-80 foizga kamaytirgan. Veronika Skvortsova ta’kidlaganidek, ushbu vaksina bo‘yicha uch yillik tadqiqotlar muvaffaqiyatli yakunlandi va yaqin kelajakda regulyatorning tasdig‘idan so‘ng bemorlarda qo‘llanishi rejalashtirilmoqda. Dastlab kolorektal saraton kasalligiga chalingan bemorlar ushbu terapiyaga kirishadi, keyinchalik esa melanoma va glioblastoma kabi miyadagi eng agressiv o‘smalar uchun moslashtiriladi. Saraton kasalliklari sohasidagi yutuqlarga parallel ravishda Rossiya neyroproteziya bo‘yicha ham katta muvaffaqiyatlarga erishmoqda. Veronika Skvortsova mikroelektrodlarni nerv uchlariga implantatsiya qilish orqali protezlarni sezgir qilish bo‘yicha ishlar amalga oshirilayotganini qayd etdi. Bu yo‘nalish FTBAning Miya va neyrotexnologiyalar markazi bilan “Motorika” kompaniyasi hamkorligida rivojlantirilmoqda. Mazkur markaz jahon miqyosida ilmiy markaz maqomini olgan va tegishli grant bilan ta’minlangan. Jarayon bir necha bosqichdan iborat bo‘lib, fantom og‘riqlarni bartaraf etishdan tortib, virtual haqiqat yordamida protezlarga tayyorgarlik ko‘rish va ularni sezgir qilishgacha bo‘lgan davrni o‘z ichiga oladi. Ushbu texnologiyalarga kengroq kirishni ta’minlash maqsadida maxsus tibbiyot muassasalari tarmog‘i tashkil etilishi rejalashtirilmoqda. 2027-yilgacha mamlakatning turli hududlarida, jumladan Primorskiy kraida o‘nta yangi protez va reabilitatsiya markazlari ochilishi nazarda tutilgan. Ularda Moskva yaqinidagi Goluboye qishlog‘ida faoliyat yuritayotgan birinchi markaz modeli asos bo‘ladi. Yangi rus vaksinasi uchun asos bo‘lgan mRNK texnologiyasi COVID-19 pandemiyasi davrida jahon miqyosida tanildi. Biroq uning saraton kasalliklarini davolashdagi imkoniyatlari olimlar tomonidan o‘nlab yillar davomida o‘rganib kelindi. 1990-yillarning o‘rtalarida sichqonlarda mRNK yordamida saraton hujayralariga qarshi immun javobni keltirib chiqarish bo‘yicha birinchi muvaffaqiyatli tajribalar o‘tkazilgan edi.

Apple kompaniyasi sentabr oyida o‘zining yangi flagman smartfonlari iPhone 17 Pro va iPhone 17 Pro Max modellarini taqdim etdi. Bu haqida Zamin.uz xabar berdi. Ushbu qurilmalar nafaqat ichki imkoniyatlari, balki tashqi ko‘rinishi bilan ham sezilarli darajada yangilangan. Eng katta o‘zgarishlardan biri orqa kamera podining butun korpus eni bo‘ylab joylashganidir. Sensorlar joylashuvi avvalgidek qolgan, ammo LiDAR va chaqnoq endi qarama-qarshi tomonda joylashgan. Apple titan korpusdan voz kechib, alyuminiy korpusga qaytdi. Alyuminiy issiqlikni oldingiga nisbatan 20 barobar samaraliroq tarqatadi. Korpus to‘liq metall bo‘lib, orqa qismida simsiz zaryadlash uchun Ceramic Shield oynali maydon mavjud. Old panelda yangi Ceramic Shield 2 ishlatilgan bo‘lib, u uch barobar mustahkamroqdir. Shuningdek, ekran yuzasida yorug‘likni aks ettirmaydigan qoplama qo‘llanilgan. Ichki quvvat jihatidan yangi Apple A19 Pro chipi o‘rnatilgan. U 6 yadroli protsessor va 6 yadroli grafik protsessorga ega bo‘lib, ikkinchi avlod Dynamic Caching texnologiyasi yordamida uzoq davom etadigan vazifalarda oldingiga nisbatan 40 foiz tezroq ishlaydi. Pro modellarda birinchi marta bug‘ yordamida sovitish tizimi joriy etilgan bo‘lib, alyuminiy korpus bu jarayonga yordam beradi. Kamera tizimi ham sezilarli yangilangan. Endi to‘liq 48 megapikselli asosiy, ultra keng va telefotokameralar mavjud. Telefotokamera 8 barobar optik zoom, shuningdek 4 barobar rejimi va 3D stabilizatsiya funksiyasiga ega. Old kamera esa 18 megapikselli bo‘lib, Center Stage texnologiyasi bilan jihozlangan. Bundan tashqari, ProRes RAW formatida video yozish imkoniyati qo‘shilgan, bu esa videomontaj bilan shug‘ullanuvchilar uchun muhim yangilik hisoblanadi. Avtonomiya ko‘rsatkichlariga kelsak, iPhone 17 Pro modeli 33 soat video ko‘rish imkoniyatiga ega, iPhone 17 Pro Max esa 39 soat ishlaydi. Qurilmalarni 0 dan 50 foizgacha zaryadlash uchun atigi 20 daqiqa vaqt ketadi. Narxlari quyidagicha belgilangan: iPhone 17 Pro 1099 dollar, iPhone 17 Pro Max esa 1199 dollar. Qurilmalar 19 sentabrdan sotuvga chiqadi. Ranglar qatorida Silver, Deep Blue va Cosmic Orange mavjud. Yangi TechWoven g‘iloflar va Crossbody Strap aksessuar sifatida taqdim etildi. Apple kompaniyasi ushbu yangilanishlar bilan haqiqatan ham “Pro” darajasiga chiqa oldimi, bu savol foydalanuvchilar orasida muhokama qilinmoqda. Yangi modellar yuqori darajadagi quvvat va sifatni taqdim etadi, bu esa ularning bozordagi o‘rnini mustahkamlashga yordam beradi.

Turkiyadan hayratlanarli yangiliklar kelmoqda. Bu haqida Euro-football.ru xabar berdi. Ma’lumotlarga ko‘ra, Zinedin Zidan «Fenerbahche» futbol klubining yangi bosh murabbiyi bo‘lishi mumkin. Klub rahbariyati yozda jamoani sezilarli darajada kuchaytirganidan so‘ng, Zidan bilan dastlabki kelishuvga erishgan. 53 yoshli murabbiy maosh va shart-sharoitlar bo‘yicha muzokaralar yakunlangach, Turkiyaga ko‘chib o‘tadi, deb xabar beradi Sabah Spor nashri. Eslatib o‘tamiz, yaqinda «Fenerbahche» jamoasi bosh murabbiyi Joze Mourinyo bilan xayrlashdi. Bu qaror Stambul «kanarichkalari» Chempionlar Ligasi saralash bosqichida «Benfika»ga yutqazgach qabul qilindi. Oldinroq matbuotda Zinedin Zidan Fransiya terma jamoasi bosh murabbiyi Didye Deshamning o‘rnini egallashni rejalashtirayotgani haqida xabarlar tarqalgan edi. Desham ushbu lavozimni 2026 yilgi jahon chempionati yakunida tark etishi kutilmoqda. Bu yangiliklar futbol ixlosmandlari orasida katta qiziqish uyg‘otmoqda.

Shimoliy Karolinada 23 yoshli ukrainalik qochqin Irina Zarutska poyezdda pichoqlab o‘ldirildi. Bu haqida Zamin.uz xabar berdi. Politsiya ayolga hujum qilgan 34 yoshli Dekarlos Braunni qo‘lga oldi va uni qotillikda ayblamoqda. Voqea videoga tushib, ijtimoiy tarmoqlarda keng tarqaldi, bu esa jamoatchilik orasida katta norozilikka sabab bo‘ldi. Shahar meri ushbu holatni sud tizimidagi xato deb atab, transportda xavfsizlikni oshirish bo‘yicha choralar ko‘rilishini va’da qildi. Zarutskaning oilasi uning 2022-yilda urushdan qochib AQShga kelganini va yangi hayotga tez moslashganini bildirdi. U san’atga qiziqardi, hayvonlarni yaxshi ko‘rar va oilasi bilan baxtli yashardi. Ushbu voqea siyosiy bahslarga ham sabab bo‘ldi. Ayrimlar Braun ilgari og‘ir jinoyatlar uchun jazolangan bo‘lsa-da, ozodlikka chiqqanini tanqid qildi. Shtat rahbari esa jinoyatchilikka qarshi yanada samarali choralar ko‘rishga chaqirdi. Bu voqea jamiyatda xavfsizlik va adolat masalalarini yana bir bor muhokama qilishga sabab bo‘ldi.

Avvalroq Angrenda yuz bergan yirik yo‘l-transport hodisasi haqida xabar berilgandi. Bu haqida Upl.uz xabar berdi. Toshkent–Osh xalqaro avtomobil yo‘lida bir nechta transport vositalari ishtirokida avtohalokat sodir bo‘ldi. Hodisa 7-sentyabr kuni soat taxminan 12:20 da yuz berdi. Ichki ishlar organlaridan olingan ma’lumotlarga ko‘ra, Shacman rusumli yuk mashinasi, unda sement tashilayotgan va 44 yoshli haydovchi boshqaruvida bo‘lgan, boshqaruvni yo‘qotib, temiryo‘l o‘tish joyida to‘xtab turgan ikkita yuk mashinasi va beshta yengil avtomobilga urildi. Zarba natijasida yong‘in yuzaga keldi, ammo voqea joyiga yetib kelgan tezkor xizmatlar tomonidan tezda o‘chirilgan. Ichki ishlar organlari o‘lim va jarohat olganlar soni haqida ma’lumot berdi. Hodisa joyida yetti kishi halok bo‘ldi. Besh kishi shifoxonaga yotqizildi, yana to‘rt nafar ishtirokchi tibbiy yordam olib, uyiga yuborildi. Hozirgi vaqtda hukumat hodisaning sabablarini o‘rganish uchun komissiya tuzdi. Komissiyaga boshchilik qilish uchun Bosh vazir o‘rinbosari Achilbay Ramatov tayinlandi.

2025-yil 7-sentabrdan boshlab O‘zbek so‘mi nisbatan kuchaymoqda. AQSh dollari kursi 12437.15 so‘mga ko‘tarilib, 62.6 so‘mga oshdi. Bu esa dollar qiymatining mustahkamlanishini ko‘rsatmoqda. Yevro kursi 14480.57 so‘mga yetib, 55.56 so‘mga o‘sdi. Yevro ham so‘mga nisbatan ijobiy dinamikani saqlab qoldi. Rossiya rubli 153.34 so‘mga ko‘tarilib, 0.21 so‘mga oshdi, bu esa kichik, ammo barqaror o‘zgarishdir. Britaniya funti 16715.53 so‘mga ko‘tarilib, 123.73 so‘mga oshdi. Bu eng katta o‘sishlardan biri hisoblanadi. Yaponiya iyenasi 83.85 so‘mga yetib, 0.55 so‘mga oshib, so‘mga nisbatan biroz kuchaydi. Shveytsariya franki 15449.88 so‘mga ko‘tarilib, 50.99 so‘mga oshdi. Xitoy yuani 1741.82 so‘mga yetib, 9.9 so‘mga ko‘tarildi. Barcha asosiy valyutalar so‘mga nisbatan ijobiy o‘zgarishlarni ko‘rsatmoqda. Ertangi kunda ham ushbu kurslar o‘zgarishsiz qolishi kutilmoqda. Bu esa valyuta bozorida barqarorlik belgisi sifatida baholanmoqda. So‘mning mustahkamlanishi iqtisodiyot uchun ijobiy signal bo‘lib, import va eksport faoliyatiga ta’sir ko‘rsatishi mumkin.