AQSH prezidenti Donald Tramp yaqin kunlar ichida Rossiya va Ukraina o‘rtasida tinchlik kelishuvi imzolanishiga umid qilyapti. Bu haqda u Truth ijtimoiy tarmog‘idagi sahifasida ma’lum qildi.
«Men Rossiya va Ukrainaning shu hafta ichida o‘zaro kelishuvga erishishiga chin dildan umid qilaman. Shundan keyin ikki davlat ham AQSH bilan keng ko‘lamli biznesni yo‘lga qo‘ya oladi va bu ularning iqtisodiy o‘sishi hamda farovonlikka erishishiga xizmat qiladi», – deb yozgan Tramp o‘z postida.
Biroq Donald Tramp aynan qanday «kelishuv» nazarda tutganiga oydinlik kiritmagan va boshqa qo‘shimcha tafsilotlarni ham bermagan. Hozircha AQSH prezidentining ushbu bayonotiga na Moskva, na Kiyev tomonidan hech qanday rasmiy munosabat bildirilmagan.
Eslatib o‘tamiz, 17 aprel kuni AQSH Davlat kotibi Marko Rubio mamlakatning tinchlik kelishuvi bo‘yicha muzokaralarda natijaga erishish imkoniyatini ko‘rmasa, yaqin kunlar ichida bu yo‘nalishdagi sa’y-harakatlarini to‘xtatishi mumkinligini aytgan edi.
Aytish lozimki, bir necha kun avval Donald Tramp davlat kotibi Marko Rubio, maxsus vakil Stiv Uitkoff hamda boshqa yuqori lavozimli maslahatchilar bilan bo‘lib o‘tgan uchrashuvda, muzokaralar muvaffaqiyatsiz yakunlansa, Qo‘shma Shtatlarning Ukrainadagi tinchlik muzokaralaridan chiqishi haqida taklif bildirgan edi. Shuningdek, AQSH prezidenti Rossiya va Ukrainaning har ikkisi ham urushni tugatishga qiziqish bildirishayotganiga ishonch bildirgandi.
17 aprel kuni Bloomberg agentligi Parijda bo‘lib o‘tgan uchrashuv chog‘ida AQSHning Yevropadagi ittifoqchilariga Ukraina bo‘yicha "mustahkam va barqaror tinchlik rejasini" taklif etgani haqida ma’lum qildi. Unga ko‘ra, kelishuv natijasida Rossiya Ukrainaning allaqachon egallab olgan ayrim hududlarida o‘z nazoratini saqlab qoladi, bundan tashqari, uzoq muddatli tinchlik kelishuvi imzolansa, Rossiyaga qo‘yilgan sanksiyalar bosqichma-bosqich yumshatilishi nazarda tutilmoqda.
Rossiya-Ukraina mojarosida tinchlik kelishuviga oid yangiliklar jahon jamoatchiligining diqqat markazida bo‘lib turibdi.
O‘xshash yangiliklar
Mixaylo Podolyak: «Aslida, normal va qulay muzokara jarayoni ketmoqda»
Hennadii Minchenko / Ukrinform / Future Publishing / Getty Images AQSH prezidenti Donald Tramp 2025 yil 20 yanvarda bo‘lib o‘tgan inauguratsiyasidan so‘ng, darhol Putin bilan uchrashish niyati
Jiddada Ukraina va AQSH delegatsiyalari nimalarni muhokama qiladi?
11 mart kuni Saudiya Arabistonining Jidda shahrida Ukraina va AQSH vakillari o‘rtasida muzokaralar bo‘lib o‘tadi. Bu Kiyev va Vashingtonning Oq uyda Donald Tramp va Volodimir Zelenskiy o‘rtasidagi
Hafta oʻyinlari: «Manchester Siti» «Nyukasl»ga qarshi, «Bavariya» «Bayer» mehmoni
Foto: Getty images MANChESTER SITI – NYuKASL (15 fevral, 20:00) Kecha «Chelsi» Braytonda yutqazgach, kuchli toʻrtlik uchun da'vogarlarda yangi imkoniyat paydo boʻldi, deyish mumkin. Ayni paytda
Rossiya Ukraina janubini nega bu qadar tez ishg‘ol qilgandi?
2022 yil 24 fevral kuni ertalab soat 4 larda Rossiya armiyasi Ukraina hududiga hujum boshlagandi. Yurish bir vaqtning o‘zida bir necha yo‘nalishda: janub, sharq va shimoldan olib boriladi. Biroq,
Jiddadagi muzokaralar yakunlariga dunyo bo‘ylab qanday reaksiya qilinmoqda?
AQSH va Ukraina delegatsiyalari 11 mart kuni Saudiya Arabistonining Jidda shahrida muzokaralar o‘tkazdi. Vashington vakillari 30 kunlik vaqtinchalik o‘t ochishni to‘xtatish rejimini joriy etishni
