Markaziy bank xorijiy valyutalarning yangi kursini e’lon qildi: dollar arzonladi, yevro keskin ko‘tarildi
Markaziy bank tomonidan 22 aprelda amal qiladigan xorijiy valyutalarning o‘zbek so‘miga nisbatan yangi kurslari ma’lum qilindi.
E’lon qilingan yangi ma’lumotlarga ko‘ra:
- AQSH dollari kursi 28,56 so‘mga tushib, 12 909,64 so‘mni tashkil etdi;
- Yevro esa birdaniga 197,32 so‘mga qimmatlab, 14 908,05 so‘mga yetdi;
- Rossiya rubli ham 0,24 so‘mga oshib, 159,75 so‘m bo‘ldi.
Eslatib o‘tamiz, oldingi ikki kun davomida AQSH dollari kursi pasayib, 12 938,20 so‘mga teng bo‘lgan edi.
Ayni paytda ayrim iqtisodiy ekspertlar mamlakatdagi valyuta kurslari sun’iy ravishda ushlab turilmoqda, deb hisoblashmoqda. Ularga ko‘ra, agar valyuta bozori to‘liq erkinlashtirilsa, 1 AQSH dollari 20 ming so‘mgacha qimmatlashishi mumkin. Ammo Markaziy bank rasmiylari bu fikrni rad etib, mamlakat valyuta bozoridagi vaziyat tabiiy ekanligini ta’kidlagandi.
Endilikda ko‘pchilikni qiziqtirayotgan asosiy savol: 2025 yilning oxiriga borib valyuta kurslari qanday o‘zgaradi? O‘zbekiston iqtisodiyoti yaqin kelajakda qanday tebranishlar va o‘zgarishlarga duch kelishi mumkin? Bu savollarga aniq javoblar hali mavjud emas, biroq iqtisodchilar va aholi uchun ushbu mavzular eng ko‘p muhokama qilinayotgan masala bo‘lib qolmoqda.
