Qonunga qo‘shimcha: qamoqdagi qiynoqlar oldi olinadi
2025-yil 26-iyun kuni “Jinoyat ishini yuritish chog‘ida qamoqda saqlash to‘g‘risida”gi O‘zbekiston Respublikasi qonuniga (O‘RQ–1072-son) qo‘shimcha kiritildi, deb Uz24.uz xabar berdi.
Yangi qo‘shimchaga ko‘ra:
. Qamoqqa olingan shaxs tergov hibsxonasiga joylashtirilishidan oldin majburiy tibbiy ko‘rikdan o‘tkaziladi.
. Tibbiy ko‘rik qamoqqa olingan shaxs tergov hibsxonasiga olib kelinganidan so‘ng 2 soat ichida amalga oshiriladi.
. Qamoqqa olinganning roziligi bilan, uning advokati ham ko‘rikda ishtirok etishi mumkin.
. Tibbiy ko‘rik natijalari maxsus shakldagi rasmiy tibbiy ma’lumotnoma bilan rasmiylashtiriladi.
Agar ko‘rik davomida qamoqqa olingan shaxs tanasida jarohat, shikastlanish yoki yara aniqlansa, ular belgilangan tartibda qayd etiladi, bu haqida qamoqqa olinganga xabar beriladi va prokurorga zudlik bilan axborot beriladi.
