Toshkent viloyatida minglab aholi gaz ta’minotisiz qoldi

28-fevral kuni Toshkent viloyati Yuqori Chirchiq tumanida gaz sizib chiqishi oqibatida minglab aholi gaz ta’minotisiz qoldi, deb xabar bermoqda "Hududgazta’minot" matbuot xizmati.

Avariya ekskavator tomonidan yuqori bosimli gaz quvurining shikastlanishi natijasida sodir bo‘lgan. Oqibatda quyidagi hududlarda gaz uzilishi kuzatildi:

- 2 500 nafar aholi
- 7 ta yirik iste’molchi
- "Ko‘rsay", "Navro‘z", "Jambul" va "Qizil Emak" mahallalari

Hodisa joyida favqulodda xizmat xodimlari ishlamoqda. Rasmiylar aholiga yetkazilgan noqulayliklar uchun uzr so‘radi.

Bundan avval Samarqandda ham yuk mashinasi yuqori bosimli gaz quvuriga zarar yetkazgani sabab minglab xonadonlar gaz ta’minotisiz qolgan edi.