«Liverpool» jamoasi hujum chizig‘ini kuchaytirish ustida ishlamoqda va klub diqqat markazida «Newcastle» jamoasidan hujumchi Aleksandr Isak bor. Bu haqida Euro-football.ru xabar berdi.
Mersisaydliklar 25 yoshli Isak uchun 120 million funt sterling (taxminan 138 million yevro) taklif qilishdi. Biroq, «Newcastle» rahbariyati bu taklifni rad etdi, chunki ular shved futbolchini jamoada saqlab qolishni qat’iy istamoqda.
Daily Express nashrining xabariga ko‘ra, Isak transfer masalasida bosim o‘tkazmaydi, ammo klubning harakatlaridan norozi. «Newcastle» nafaqat «Liverpool»ning taklifini rad etdi, balki uning maoshini ham oshirmadi.
Shartnomani uzaytirish bo‘yicha muzokaralar to‘xtab qoldi. Avvalgi va’dalarda Isakning haftalik maoshi 130 ming funtdan ancha oshirilishi aytilgandi.
Hozirgi vaziyatda futbolchi kelajagi haqida aniq qaror qabul qilishi zarur.
