Storojuk: Ahmat imkoniyatlardan unumli foydalanmayapti
«Ахмат» jamoasining bosh murabbiyi Aleksandr Storojuk «Match TV» kanaliga «Rubin» jamoasi bilan bo‘lib o‘tgan o‘yindan so‘ng fikr bildirdi. Bu haqida Euro-football.ru xabar berdi.
Unga ko‘ra, jamoada yetishmayotgan asosiy narsa imkoniyatlardan unumli foydalanishdir. O‘yinning boshida jamoa yaxshi va agressiv o‘ynadi, bir qancha imkoniyatlar yaratildi va ularni golga aylantirish kerak edi.
Ammo mantiqsiz xatolar tufayli ikkita gol o‘tkazib yuborildi. Maydon ustidan nazorat ko‘proq bo‘lishiga qaramay, ba’zi xatolar sababli jamoa o‘z o‘yinini to‘liq namoyish eta olmadi.
Murabbiyning fikricha, hujumda kamida ikki yoki undan ortiq gol urishga imkon bor edi, lekin jamoaning tayyorgarligi yetarlicha emasligi aniqlandi. Mashg‘ulotlar rejasiga to‘liq amal qilinmagani, ayrim futbolchilar jamoaga keyin qo‘shilgani sababli jamoada muvozanat buzilgan.
Shu bois o‘yinning har ikki bo‘limida o‘yin intensivligi pasaygan. Ikkinchi bo‘limda «Rubin» hisobni saqlashga harakat qildi va jamoa o‘zini tiklashga vaqt topa olmadi.
Murabbiy jamoa hali ham tayyorgarlikni yaxshilashi kerakligini ta’kidladi hamda chempionat davomida buning ustida ishlashlarini bildirdi. Umuman olganda, «Ahmat» jamoasi birinchi bo‘limda yaxshi o‘yin ko‘rsatgan bo‘lsa-da, yakuniy natija kutilgan darajada bo‘lmadi.
