Hujumchi Gonsalo Garsiya Madridning "Real" klubi bilan yangi shartnoma imzolashi mumkin. Bu haqida Euro-football.ru xabar berdi.
21 yoshli futbolchi yaqinda bo‘lib o‘tgan Klub jahon chempionatida o‘zini namoyon qilib, to‘rtta gol urdi va musobaqaning "Oltin butsa" sovrinini qo‘lga kiritdi. Diario AS nashrining xabar berishicha, "qirollar" jamoasi istiqbolli ispan futbolchisi bilan yangi mehnat shartnomasi bo‘yicha muzokaralarni boshlagan.
Gonsalo Garsiyaning amaldagi shartnomasi 2027 yil o‘rtalarigacha mo‘ljallangan. So‘nggi haftalarda hujumchi Yevropaning yetakchi ligalaridan ko‘plab nufuzli klublardan takliflar olgani aytilmoqda.
Madridning asosiy jamoasida Garsiya 12 o‘yinda jami beshta gol urib, ikki golga assistentlik qilgan. Uning faoliyati jamoa uchun muhim bo‘lib, kelajakda "Real" bilan hamkorlikni davom ettirish ehtimoli yuqori hisoblanadi.
Klub va futbolchi o‘rtasida yangi shartnoma tafsilotlari yaqinda aniq bo‘lishi kutilmoqda.
👍 0❤️ 0😂 0😢 0😡 0
