O‘zbekistonlik grossmeyster Nodirbek Yakubboyev Praga shahrida o‘tkazilgan Prague International Chess Festival xalqaro turnirida g‘olib bo‘ldi.
U “Challengers” guruhida hech qanday mag‘lubiyatsiz ishtirok etib, 9 tur natijasida 7 ochko to‘pladi va musobaqa chempioniga aylandi. Final bahsida u daniyalik shaxmatchi Jonas Bjerre ustidan g‘alaba qozondi.
Bundan tashqari, ushbu muvaffaqiyat unga 2026-yilda “Masters” guruhida ishtirok etish yo‘llanmasini ham taqdim etdi.
