Adil Rami Lamin Yamalni qattiq tanqid qildi

Fransiya terma jamoasi sobiq futbolchisi Adil Rami "Barselona" jamoasining iste’dodli qanot himoyachisi Lamin Yamalni keskin tanqid qildi. Bu haqida Euro-football.ru xabar berdi.

U o‘z fikrini ochiqchasiga bildirib, futbolchining yulduzligini inkor etmasligini aytdi, ammo insoniy nuqtai nazardan uni qabul qilolmasligini ta’kidladi. Rami aytishicha, Yamal Krishtianu Ronalduga qo‘l berishi uni juda ranjitgan.

Shuningdek, futbolchining harakatlari, jumladan, shimlarini tushirishi Amerika va Meksika qamoqxonalari madaniyatidan olinganini aytdi. U o‘zini Amerikaga o‘xshatishga urinayotganini, katta olmosli bezaklar taqib, 10-raqamli futbolkani kiyishini tanqid qildi.

Rami bu holatlar uni bezovta qilayotganini yashirmadi. Eslatib o‘tish joiz, Lamin Yamal yaqinda 18 yoshga to‘ldi.

Uning yoshligiga qaramay, u jahon futbolida katta muvaffaqiyatlarga erishishi kutilmoqda. Biroq, sobiq futbolchi fikricha, har bir yulduz inson sifatida ham mas’uliyatli bo‘lishi lozim.