Madridning Atletico va Rotterdamning Feyenoord klublari markaziy himoyachi David Gantsko transferi bo‘yicha kelishuvga erishdi. Bu haqida Euro-football.ru xabar berdi.
Ispan klubining rasmiy saytida ma’lum qilinishicha, futbolchi tibbiy ko‘rikdan o‘tganidan so‘ng transfer yakunlanadi. 27 yoshli slovakiyalik futbolchining yangi shartnomasi muddati hozircha e’lon qilinmagan.
Insider Fabrizio Romano ma’lumotlariga ko‘ra, kelishuv summasi bonuslar bilan birga taxminan 34 million yevroni tashkil etadi. Gantsko 2022 yildan buyon Feyenoord jamoasida o‘ynab kelmoqda va shu vaqt ichida barcha musobaqalarda 140 ta o‘yinda maydonga tushib, 15 ta gol urgan hamda 12 ta golga assistentlik qilgan.
Shuningdek, himoyachining Slovakiya milliy terma jamoasida 52 ta o‘yin va 6 ta gol ko‘rsatkichlari mavjud. Bu transfer futbolchining faoliyatida yangi bosqich bo‘lishi kutilmoqda.
