Laporta: Barselona yozda yangi futbolchi olmaydi
«Barselona» jamoasi prezidenti Joan Laporta klubning yozgi transfer rejalariga oid savolga javob berdi. Bu haqida Euro-football.ru xabar berdi.
Ushbu yozda «ko‘k-qizil» jamoaga darvozabon Joan Garsiya qo‘shildi. U «Espanol» klubidan 25 million yevroga sotib olindi.
Shuningdek, qanot hujumchisi Markus Reshford «Manchester Yunayted» klubidan ijaraga olindi. Laporta bergan intervyuda yozgi transferlar bo‘yicha yangi kelishuvlar kutilmayotganini ta’kidladi.
Uning aytishicha, jamoada kuchli tarkib shakllangan va bosh murabbiy ikkinchi jamoa futbolchilarini ham o‘yinga jalb etishni maqsad qilgan. Shuning uchun hozircha yangi transferlar rejalashtirilmagan.
16 avgust kuni amaldagi Ispaniya chempionlari La Liga yangi mavsumini «Malyorka» jamoasi bilan safardagi uchrashuvda boshlaydi.
