Madridning "Real" klubida Vinisius Juniorning kelajagi bo‘yicha aniq qaror yo‘q. Bu haqida Euro-football.ru xabar berdi.
Braziliyalik futbolchi bilan yangi shartnoma bo‘yicha muzokaralar qiyin kechmoqda. SER Deportivos ma’lumotlariga ko‘ra, klub uning talablari bilan rozi emas va Mbappe darajasida maosh to‘lashni xohlamaydi.
Klub Vinisiusga bir yil muddat beradi, shu davrda uning o‘yini yaxshilanishi kerak. Aks holda, yulduz futbolchini sotishga ham tayyor.
Hozirgi shartnoma 2027 yil o‘rtalarigacha mo‘ljallangan. O‘tgan mavsumda futbolchi 58 o‘yinda 22 ta gol urib, 19 ta samarali uzatma amalga oshirdi.
Vinisiusning kelajagi klub uchun muhim masala bo‘lib qolmoqda.
