"Chelsi" jamoasining hujumchisi Joau Felish yaqinda "Al-Nasr" klubiga o‘tishi mumkin. Bu haqida Euro-football.ru xabar berdi.
Avvaliga portugal futbolchisiga "Benfika" jiddiy da’vogar sifatida qaralgan bo‘lsa-da, Saudiya klubi "Benfika"ni ortda qoldirib, futbolchi uchun raqobatda oldinda turibdi. Mashhur jurnalist Ben Jeykobning xabariga ko‘ra, "Al-Nasr" Felish bilan shartnoma imzolash bo‘yicha deyarli kelishib olgan.
"Chelsi" 25 yoshli hujumchidan 40 million funt sterlingdan (taxminan 46 million yevro) ortiq daromad olishni maqsad qilgan. O‘tgan yilning avgust oyida "Chelsi" Joau Felishni Madridning "Atletiko" klubidan 52 million yevro evaziga sotib olgan edi.
2024/25 yilgi mavsumning ikkinchi yarmida futbolchi Italiya "Milan" klubida ijarada o‘ynadi. "Al-Nasr" safida Felish Portugaliya terma jamoasida birga o‘ynagan Krishtianu Ronaldu va Otaviu bilan birga maydonga tushadi.
Bu o‘yinchilar bilan u yaxshi tanish va ularning hamkorligi jamoaga ijobiy ta’sir ko‘rsatishi kutilmoqda. Felishning yangi klubiga qo‘shilishi "Al-Nasr" hujum chizig‘ini yanada kuchaytirishi ehtimoldan yiroq emas.
👍 0❤️ 0😂 0😢 0😡 0
