Dunyo bo‘ylab Krishtianu Ronalduning iste’dodiga katta hurmat bilan qaraladi. Bu haqida Euro-football.ru xabar berdi.
Bu boradagi navbatdagi tasdiq Gonkongdan kelib tushdi, u yerda mashhur portugaliyalik futbolchining faoliyatiga bag‘ishlangan muzey ochildi. CR7 Life Museum nomi bilan atalgan ushbu maskan nafaqat Ronalduning futboldagi muvaffaqiyatlarini, balki uning hayoti va shaxsiy yo‘lini ham aks ettiradi.
Shahar hokimiyati muzeyni birinchi navbatda sayyohlar uchun jozibador joy sifatida ko‘rmoqda va uning tashrif buyuruvchilari sonining ko‘payishiga umid qilmoqda. Ta’kidlash joizki, bu turdagi birinchi muzey butun Osiyo mintaqasida ochildi.
Krishtianu Ronaldo o‘zining yorqin faoliyati davomida bir qancha mashhur klublarda o‘ynagan. U Lissabonning «Sporting» jamoasida start olgan, keyinchalik Angliyaning «Manchester Yunayted», Ispaniyaning «Real Madrid», Italiya «Yuventus» hamda Arabistonning «Al-Nasr» klublarida o‘z mahoratini namoyish qilgan.
Ushbu muzey esa uning shonli faoliyatini yanada kengroq ommaga taqdim etish maqsadida tashkil etilgan.
👍 0❤️ 0😂 0😢 0😡 0
