Rahimov: "Rubin" o‘z imkonidan yuqori natija ko‘rsatdi

Qozonning "Rubin" futbol jamoasi bosh murabbiyi Rashid Rahimov o‘tgan mavsumda jamoasining Rossiya Premyer-ligasida yettinchi o‘rinni egallagani sabablari haqida fikr bildirdi. Bu haqida Euro-football.ru xabar berdi.

Unga ko‘ra, jamoa o‘z imkoniyatidan yuqoriroq natijaga erishgan. Rahimovning so‘zlariga ko‘ra, ular jadvalda yuqoriroq o‘rinda joylashgan jamoalarning barchasi kuchli va moliyaviy imkoniyatlari katta bo‘lgan klublardir.

Bunday jamoalarni ortda qoldirish juda qiyin, shuning uchun haqiqatga to‘g‘ri baho berish lozim. Eslatib o‘tamiz, o‘tgan mavsum yakunlariga ko‘ra, "Rubin"dan oldin faqat olti jamoa – "Krasnodar", "Zenit", SSKA, "Spartak", Moskvaning "Dinamo"si va "Lokomotiv" jamoalari joy oldi.

Yangi mavsumning dastlabki ikki turida "Rubin" "Axmat" jamoasini 2:0 hisobida mag‘lub etdi hamda "Zenit" bilan o‘z maydonida 2:2 hisobida durang o‘ynadi. "Rubin" o‘zining navbatdagi rasmiy uchrashuvini 31 iyul kuni Rossiya Kubogi guruh bosqichining birinchi davrasida "Orenburg" jamoasiga qarshi o‘tkazadi.

Ushbu o‘yin "Ak Bars Arena" stadionida bo‘lib o‘tadi.