Tez orada “Real” futbolchilari yangi mavsumga tayyorgarlik ko‘rishni boshlaydi. Bu haqida Euro-football.ru xabar berdi.
Ma’lumotlarga ko‘ra, hujumkor yarim himoyachi Franko Mastantuonoga dastlab asosiy jamoa bilan birga mashg‘ulot o‘tkazish taqiqlanadi. Ispaniya qonunchiligiga muvofiq, Mastantuono “Real” asosiy tarkibi bilan to‘liq shug‘ullanishni faqat 18 yoshga to‘lgandan keyin boshlashi mumkin.
Shuning uchun, 14 avgustgacha, ya’ni voyaga yetguniga qadar, argentinalik futbolchi alohida mashg‘ulot o‘tkazadi. “Real” Franko Mastantuononi “River Pleyt” klubidan sotib oldi.
Ommaviy axborot vositalarida Madrid klubi ushbu futbolchini 45 million yevro evaziga xarid qilgani haqida xabarlar tarqaldi. Joriy yil iyun oyida Mastantuono Argentina terma jamoasida debyut o‘yinini o‘tkazdi.
