Portugaliya terma jamoasi himoyachisi Nelson Semedu Turkiyaning "Fenerbahche" jamoasiga o‘tishi kutilmoqda. Bu haqida Euro-football.ru xabar berdi.
Bu haqda taniqli jurnalist Fabrizio Romano o‘z manbalariga tayanib xabar berdi. Ma’lumotlarga ko‘ra, futbolchi hozirda Istanbul shahriga yo‘l olgan.
Shuningdek, yaqin kunlarda "Fenerbahche" tarkibiga yana bir himoyachi Milan Shkrinyar ham qo‘shilishi rejalashtirilgan. U tibbiy ko‘rikdan muvaffaqiyatli o‘tsa va barcha hujjatlarni imzolasa, jamoaga rasman qo‘shiladi.
Nelson Semedu 31 yoshda bo‘lib, ilgari "Benfika" va "Barselona" klublarida to‘p surgan. Uning so‘nggi jamoasi Angliyaning "Vulverhempton" klubi bo‘ldi.
U bu jamoani erkin agent sifatida tark etdi. O‘tgan mavsumda Semedu 38 o‘yinda maydonga tushib, 9 marta ogohlantirish oldi va 5 ta golli uzatma berdi.
Portugaliya terma jamoasi tarkibida Nelson Semedu ikki bor UEFA Millatlar Ligasi g‘olibi bo‘lgan va Konfederatsiyalar kubogida bronza medalini qo‘lga kiritgan. Mutaxassislar uning transfer narxini 9 million yevroga baholamoqda.
