Afrika qit’asining uzoq va sirli davlatlari o‘z obro‘ va mashhurligini oshirishga intilmoqda. Bu haqida Euro-football.ru xabar berdi.
Bu borada ularga Kataloniyaning mashhur “Barselona” futbol klubi yordam beradi. Klubning marketing bo‘limi Demokratik Kongo Respublikasi hukumati bilan homiylik shartnomasi imzoladi.
Eslatib o‘tamiz, bu davlat ilgari Zair nomi bilan ham tanilgan. Shartnomaga ko‘ra, “Barselona” futbolchilari liboslarida RDC – Coeur d’Afrique ya’ni “Afrika yuragi – Demokratik Kongo Respublikasi” yozuvi va logotipi paydo bo‘ladi.
Ushbu logotip klubning barcha jamoalari futbolkalarida aks etadi. Kelishuv 2029 yilgacha amal qiladi.
Ma’lumot uchun, Ispaniya chempionati 15-avgust kuni boshlanadi. “Barselona” birinchi turda “Malorka” jamoasiga qarshi maydonga tushadi.
Ushbu hamkorlik ikki tomon uchun ham muhim ahamiyat kasb etadi va Kongo Respublikasining dunyo miqyosidagi tanilishiga xizmat qilishi kutilmoqda.
