Kechinov: Jedson transferi Spartak uchun rekord daraja

Moskvaning Spartak futbol klubi sobiq yarim himoyachisi Valeriy Kechinov Spartak jamoasining yangi futbolchisi Jedson Fernandesning transfer narxi haqida o‘z fikrini bildirdi. Bu haqida Euro-football.ru xabar berdi.

Spartak Jedson Fernandesni Istanbulning mashhur futbol klubi Besiktasdan sotib oldi. Klub bu futbolchi uchun 20 million yevro to‘ladi.

Shuningdek, kelishuvga ko‘ra, Besiktas yana 5 million yevro bonus tarzida olish imkoniyatiga ega. Ayrim ommaviy axborot vositalari esa Spartak ushbu transfer uchun jami 27 million yevro sarflaganini ta’kidlamoqda.

Valeriy Kechinovning aytishicha, u Jedson Fernandes haqida yetarli ma’lumotga ega emas, uning o‘yinlarini ko‘rmagan va faoliyatini kuzatmagan. Shunga qaramay, agar futbolchining transfer baxosi 27 million yevroga teng bo‘lsa, u yuqori saviyali o‘yinchi bo‘lishi mumkinligini ta’kidladi.

Kechinovning so‘zlariga ko‘ra, Jedson Fernandes maydonda Esekiel Barkoning pozitsiyasida o‘ynaydi. Shu sababli, bosh murabbiy Dejan Stankovich yangi futbolchini qanday ishlatishini kuzatish qiziqarli bo‘ladi.

Ma’lum qilinishicha, Jedson Fernandesning transferi Spartak tarixidagi eng qimmat transfer bo‘ldi. Bungacha klubning eng qimmat xaridi Levi Garsiya bo‘lib, uning transfer narxi 18,7 million yevroni tashkil etgan edi.