Cherchesov: Vendel va atrofidagilar vaziyatni to‘g‘ri tushunishi kerak
Rossiyalik mashhur murabbiy Stanislav Cherchesov “Zenit” jamoasi yarim himoyachisi Markus Vendel bilan bog‘liq vaziyat yuzasidan o‘z fikrlarini bildirdi. Bu haqida Euro-football.ru xabar berdi.
Ma’lumki, bu mavsum oralig‘ida braziliyalik futbolchi “Zenit” klubini tark etishi mumkin edi. U o‘zining vatani Braziliyaga qaytishni istagandi.
Shuningdek, Vendel Sankt-Peterburg jamoasining mavsumoldi mashg‘ulotlarida ishtirok etmadi. Cherchesovning ta’kidlashicha, futbolchining o‘zi ham, uning atrofidagi insonlar ham vaziyatni to‘g‘ri tushunib yetishlari zarur.
Uning amaldagi shartnomasi bor. Agar shartnoma mavjud bo‘lsa, lekin futbolchida motivatsiya bo‘lmasa, savol tug‘iladi: agar “Zenit” ham unga maosh to‘lashga motivatsiya yo‘qotib qo‘ysa, o‘shanda Vendelning o‘zi nima deydi?
Sankt-Peterburg klubi Vendelni chempionat boshlanganidan keyin yangi mavsum uchun ro‘yxatga oldi. Braziliyalik futbolchi allaqachon “Zenit” safida Kubok bahsida “Axmat”ga qarshi uchrashuvda maydonga tushishga ulgurgan.
