Rahimov: Rubin tarkibi kuchayishi sekin kechmoqda

"Rubin" futbol jamoasining bosh murabbiyi Rashid Rahimov jamoaning tarkibini kuchaytirish ishlari sekin olib borilayotganidan norozi ekanini bildirdi. Bu haqida Euro-football.ru xabar berdi.

Unga ko‘ra, yozgi transfer oynasida klub faol harakat qilmayotgani uni tashvishga solmoqda. Murabbiy jamoa rahbariyatining sustkashligi natijasida boshqa klublar yangi o‘yinchilarni jalb etayotgan bir vaqtda "Rubin" o‘z o‘rnida to‘xtab qolgandek taassurot uyg‘otayotganini ta’kidladi.

Rahimov so‘zlariga ko‘ra, jamoaning hozirgi holatida natija kutib bo‘lmaydi va rivojlanish uchun tarkibga yangi futbolchilar qo‘shilishi zarur. Eslatib o‘tamiz, "Rubin" yangi mavsumni muvaffaqiyatli boshladi.

Premyer-liganing dastlabki ikki turida Rahimov jamoasi to‘rt ochko jamg‘ardi. Dastlab, "Rubin" safarda "Axmat" ustidan 2:0 hisobida g‘alaba qozondi, keyingi uchrashuvda esa o‘z maydonida "Zenit" bilan 2:2 hisobida durang o‘ynadi.

Keyingi o‘yin 4-avgust, dushanba kuni bo‘lib o‘tadi. "Rubin" o‘z maydonida "Sochi" jamoasiga qarshi bahs olib boradi.

Muxlislar bu uchrashuvdan ham yaxshi natija kutishmoqda.