Barselona markaziy himoyachisi Pau Kubarsi darvozabon Mark-Andre ter Shtegen haqida o‘z fikrini bildirdi. Bu haqida Euro-football.ru xabar berdi.
Joriy yil yozida Barselona rahbariyati tajribali darvozabondan voz kechmoqchi bo‘ldi. Biroq, nemis futbolchisi klubni tark etishni istamadi.
Shunga qaramay, klubda endi uni asosiy tarkib futbolchisi sifatida ko‘rmayotgani haqida xabarlar tarqaldi. Hatto, ayrim manbalarga ko‘ra, undan sardorlik bog‘ichi olib qo‘yilishi ham mumkin edi.
Shu munosabat bilan, 18 yoshli Pau Kubarsi shunday dedi: "Ter Shtegen bizning sardorimiz bo‘lib qolmoqda. U bu yerda ko‘p yillar davomida to‘p surdi va katta tajribaga ega.
U turli jihatlardan klubga katta foyda keltirishi mumkin, chunki o‘zi ham ko‘plab sinovlardan o‘tgan. Biz uchun u hanuz birinchi raqamli darvozabon bo‘lib qolmoqda".
Ma’lumot uchun, Mark-Andre ter Shtegen 2014 yildan beri Barselona sharafini himoya qilib kelmoqda.
